Щэбзэ щэрыонымкIэ Къыблэ ыкIи Темыр-Кавказ федеральнэ шъолъырхэм япервенствэ ыкIэм фэкIуагъ.
Адыгеир зэнэкъокъум къыщагъэлъэгъуагъ олимпийскэ резервым испорт еджапIэу В. С. Максимовым ыцIэ зыхьырэм зыщызыгъасэхэрэм.Тиспортсменхэм зэрифэшъуашэу зыкъагъэлъэгъуагъ, зэфэхьысыжь дэгъухэр яIэх. Иван Лемешевым дышъэ медаль къыхьыгъ, Мыгу Батырбый ятIонэрэ хъугъэ. Мыгу Аминэ чемпионк, Алиса Кожевниковам ятIонэрэ чIыпIэр къыдихыгъ. Зыныбжь илъэс 18-м емыхъугъэхэм язэнэкъокъу джэрз медальхэр къыщахьыгъэх Софья Фирсановамрэ Ахмед Увайсовымрэ. Зэхэпхъэгъэ командэхэм языушэтын дышъэ медальхэр къыщахьыгъэх Иван Лемешевымрэ Мыгу Аминэрэ.Тиспортсменхэр зэнэкъокъум фэзыгъэхьазырыгъэхэр Урысыем спортымкIэ имастерэу Александр Баламутовымрэ Урысыем спортымкIэ изаслуженнэ мастерэу Светлана Баранцевамрэ.