Хьыкум приставхэм я Федеральнэ къулыкъу АР-мкIэ и ГъэIорышIапIэ и Мыекъопэ къэлэ къутамэ иприставыгъэ бзылъфыгъэу иIэнатIэ къызфигъэфедэзэ хэбзэгъэуцугъэр зыукъуагъэм уголовнэ Iофэу къыфызэIуахыгъэм хьыкумыр хэплъэщт. Урысыем и Уголовнэ кодекс ия 285-рэ статья иапэрэ Iахь къыщыдэлъытэгъэ бзэджэшIагъэр зэрихьагъэу ар агъэмысэ.
ЩынэгъончъэнымкIэ федеральнэ къулыкъум и ГъэIорыш IапIэу АР-м щыIэм къыгъэхьазырыгъэ материалхэм къапкъырыкIызэ, Урысыем СледствиехэмкIэ и Комитет СледствиехэмкIэ и ГъэIорышIапIэу АР-м щыIэм приставым пае уголовнэ Iоф къызэIуихыгъ, зэхэфынхэр ыухыгъэх.ЗэрагъэунэфыгъэмкIэ, Мыекъуапэ щыпсэурэ бзылъфыгъэу шIокI зимыIэ IофшIэнхэр хьыкумым зытырилъхьагъэм пшъэдэкIыжь ригъэхьыгъэп, хэбзэнчъэу «исполнительнэ производствэр» зэфишIыжьыгъ. Джащ фэдэу приставым инэIосэ хъулъфыгъэу ешъуагъэу рулым кIэрысэу зэгуцафэхи, медицинэ уплъэкIунхэр ыкIунхэу зымыдагъэм тазырэу тыралъхьэгъэ сомэ мин 45-р къыримыгъэтыжьэу, ащ фэгъэхьыгъэ унашъори хэбзэнчъэу тырихыжьыгъ.Приставым имысагъэ къэзыушыхьатырэ тхылъхэр хьыкумым ратыгъэх.