Урысыем и Следственнэ комитет Адыгэ РеспубликэмкIэ иследственнэ гъэIорышIапIэ иотделэу мэхьанэшхо зиIэ Iофхэм ахаплъэрэм иследовательхэм очылхэм я Краснодар коллегие иочыл къыфаIэтыгъэ уголовнэ Iофым изэхэфын аухыгъ.
Урысые Федерацием и Уголовнэ кодекс ия 159-рэ статья ия 2-рэ Iахь зигугъу къышIырэ бзэджэшIагъэ зэрихьагъэкIэ, гъэпцIагъэкIэ мылъкушхо ыIэ къыригъэхьагъэкIэ ар агъэмысэ.Урысыем щынэгъончъэнымкIэ и Федеральнэ къулыкъу Адыгэ РеспубликэмкIэ и ГъэIорышIапIэ оперативнэ-лъыхъон Iофтхьабзэу зэрихьагъэхэм якIэух материалхэм атетэу уголовнэ Iофыр къызэIуахыгъ.Следствием зэригъэунэфыгъэмкIэ, 2026-рэ илъэсым ищылэ мазэ очылым юридическэ IэпыIэгъу аригъэгъотэу ыIозэ, зэзэгъыныгъэ зыдишIыгъэ кIалэм янэ гъэпцIагъэкIэ сомэ мин 200 къыIихыгъ ыкIи ышъхьэ IофкIэ ар къызфигъэфедагъ.Очылым икъоу ахъщэр къыпщыныжьыгъ. Хэплъэнхэм пае уголовнэ Iофыр хьыкумым IэкIагъэхьагъ.Урысыем щынэгъончъэнымкIэ и Федеральнэ къулыкъу Адыгэ РеспубликэмкIэи ГъэIорышIапIэ ипресс-къулыкъу