Къэралыгъо автоинспекциер
Урысые Федерацием и Правительствэ иунашъо елъытыгъэу IэкIыб хэгъэгумэ ащагъэфедэрэ паспортхэм япхыгъэ бланкхэм аратхэщтхэм зэхъокIыныгъэхэр афэхъугъэх.
Ахэм атыратхэщтыгъэхэ «Личный код» ыкIи «Учетная запись» зыфиIохэрэр унэшъуакIэм елъытыгъэу хагъэкIыжьыгъэх, ахэр непэрэ уахътэм зэрэдимыштэжьхэрэм къыхэкIэу.Дунэе шапхъэу щыIэхэм ыкIи гражданскэ авиациемкIэ Дунэе организацием ыгъэнэфэгъэ хабзэхэм ялъытыгъэу тхьапэхэм нахь псынкIэу адэлэжьэнхэм фэшI, документыр зыфэдэр къэзыгъэнэфэрэ зэхъокIыныгъэхэр машинэ лъытэкIэ кодым фашIыгъэх. Ащ тедзэ шIыкIэм тетэу латин хьарыфхэр хагъэхъуагъэх — PP — цIыфым иIэкIыб паспорт пае, PD — дипломатическэ IэкIыб паспортым пае, PО — къулыкъу IэкIыб паспортым пае, зэкIэлъыкIуакIэу къызэрэкIорэмкIэ атетхэгъэгъэ P, D, S-хэм ачIыпIэкIэ.Джащ фэдэу 2027-рэ илъэсым ищылэ мазэ къыщыублагъэу кIэлэцIыкIумэ афэгъэхьыгъэ къэбархэр а паспортхэм адатхэжьыщтхэп.Мыщ фэдэ шапхъэр къызхэкIырэр: 2026-рэ илъэсым имэлылъфэгъу мазэ федеральнэ хэбзэгъэуцугъэу аштагъэм елъытыгъэу кIэлэцIыкIухэр ащ фэдэ документхэм адатхэхэ хъумэ, къэралыгъо хэбзэ Iахьыр атыжьырэп.ЗэхъокIыныгъэм лъапсэу иIэр Урысые Федерацием щыпсэурэ цIыфхэм шъхьафитэу къакIухьанымкIэ яфитыныгъэхэр къэухъумэгъэнхэр ары, сыда пIомэ аужырэ уахътэм тихэгъэгу къыфэмышIу европейскэ къэралыгъомэ зыныбжь имыкъугъэ тицIыфхэр яшъолъырмэ арамыгъахьэхэу, яунэе IэкIыб паспортхэр зэрямыIэхэр ушъхьагъоу къафалъэгъоу, ны-тымэ е тIумэ язырэм ипаспорт зэрякIэлэцIыкIур зэрэдэтхагъэр рамыгъэкъоу бэрэ къыхэкIы.Къыхэгъэщыгъэн фае, ыпэкIэ къатыгъэгъэ паспортхэу сабыеу яIэхэм афэгъэхьыгъэ къэбархэр зыдэтхагъэхэм, япIалъэ екIыфэ нэс, юридическэ кIуачIэу яIэр къэнэжьы.Гъогу шъутехьанэу ишъухъухьэмэ, шъуисабый IэкIыб паспортымкIэ хымэ къэралыгъом зыдэшъущэн шъулъэкIыщтмэ, Урысые Федерациемрэ IэкIыб хэгъэгухэмрэ дунэе зэзэгъыныгъэу зэдыряIэм ащ фэдэ амал къетымэ пэшIорыгъэшъэу зэжъугъашIэ.