КIэлэцIыкIухэм шъуафэсакъ!

КIэлэцIыкIухэм ящынэгъончъагъэ къэухъумэ­гъэным фэшI узэрыгъозэн фаехэр Адыгеим иполицие ны-тыхэм агу къегъэкIыжьых.

Лъытэныгъэ зыфэтшIырэ ны-тыхэр! Мафэ къэс Iоф горэмэ ауж шъуитэу, уахътэр шъуфимыкъоу мэхъуми, сабыймэ шъунаIэ зэратетын фаер зыщышъумыгъэгъупш.ГъогурыкIоным шапхъэу пылъхэр нахьыбэрэ шъуикIэлэцIыкIумэ агу къэжъугъэкIыжьых. Ащ пае кIэлэцIыкIу IыгъыпIэм екIурэ гъогум, щагум е урамым ащыхъу­рэ хъугъэ-шIагъэхэр жъугъэфедэх, щысэу къафэшъухьых.КIэлэцIыкIур шъуигъусэу урамым шъурыкIо хъумэ, транспортым ыкIи лъэсэу зекIорэмэ къяхъулIэрэр зэкIэ къафэшъуIуатэзэ шъушIымэ, ишIуагъэ къэкIощт. ГущыIэм пае, сыда джыдэдэм гъогум узэпырыкIы зыкIэмыхъущтыр, сыд фэдэ шапхъа ащ пае щыIэр? Ар зыукъорэмэ ямысагъэ къафыхэжъугъэщ.Зыщышъумыгъэгъупш шъуикIэлэцIыкIу гурыIон фаер:— нахьыжъхэр уимыгъусэхэу гъогум утехьэ хъущтэп, нахьыжъым ыIэ пIыгъэу гъогум урэкIомэ, зыкъыIэкIэмыут, лъэсгъогум утемыкI;— урамым рэхьатэу урыкIон фае, лъэсгъогум иджабгъу лъэныкъом зептынэу щыт;— нэфрыгъуазэр зыщышхъуантIэм лъэсрыкIохэр зыщызэпырыкIхэрэмкIэ гъогум узэпырыкIын фае, ащ дэжьым автомобильхэр къызэрэуцугъэхэм уицыхьэ телъын фае;— машинэхэр зэрыкIохэрэ гъогу Iахьыр транспорт закъор ары зыфытегъэпсыхьагъэр;— гъогум рыкIорэ автомобильхэр нэфрыгъуазэм елъытыгъэу мэзекIох;— общественнэ транспортым ишъхьаныгъупчъэмэ пшъхьэ е пIэ, джащ фэдэу пкъыгъо зэфэшъхьафхэр къарыбгъэщыхэ хъущтэп.ЧIыопсым зыщыжъугъэпсэфынэу шъудэкIымэ, шъушIэн фае:— сабыймэ зызыщагъэпскIыщт чIыпIэу къыхэшъухырэм псэу итыр мыкуоу, къабзэу ыкIи псынжъыр ычIэкIэ хэмылъэу щытын фае;— шъуалъымыплъэу псым кIэлэцIыкIухэр ешъумыгъэкIуалIэх;— сабыеу зызыгъэпскIырэм улъыплъэ зэпытын фае;— кIэлэцIыкIумэ загъэпскIы хъумэ, ахэр лъэгапIэхэм е нэпкъхэм къяпкIэхынхэр афэшъумыд;— сабыйхэр псым щышъумыгъэбзаджэх.Урамым ыкIи унэ кIоцIым щынэгъончъэу зэрэщы­зекIонхэ фаер кIэлэцIыкIухэм агу къэжъугъэкIыжь зэпыт:— унэм е щагум апэчыжьэу уIумыкI;— уимынэIуасэмэ зи къаIымых, уакIэлъырымыхь;— умышIэрэ купхэр къэухьэх;— цIыф зыдэщымыIэ чIыпIэхэр, шъолъыр нэкIхэр, унэжъхэр, къакъырхэр, унашъхьэхэр, чIыунэхэр щыгъэ­зыех;— умышIэрэмэ пчъэр къафыIумых;— умышIэрэмэ ямашинэ уадимытIысхь;— умышIэрэмэ игъоу къыпфалъэгъурэм иджэуапэу «Хьау!» яIу, ащ лъыпытэу къакIэлъырыкIи, цIыфхэр зыдэщыIэхэмкIэ кIо;КIэлэцIыкIур унэм щынэгъончъэу зэрисын фаер зыщышъумыгъэгъупш:— электроприборхэр хэгъэнагъэхэу къэшъумыгъанэх;— сабыир изакъоу фэтэр унэм къишъумыгъан;— розеткэхэр зэфэшъушIых;— гъэстыныпхъэ шхъуантIэмрэ сырнычымрэ сабыйхэр ащышъуухъумэх, анэмысышъунхэу шъушIы;— шъхьаныгъупчъэхэр ежъугъэтых, сабыймэ Iуамыхышъунхэу жъугъэпсых.