Къэралыгъо автоинспекциер
Мыекъуапэ щыщэу ешъуагъэу автомобилыр зыгъэIорышIэщтыгъэр полицейскэхэм къаубытыгъ.
БэмышIэу гъогу-патруль къулыкъум иIофышIэхэм республикэ гупчэм тихэгъэгу къыщашIыгъэ автомобилыр къыщагъэуцугъ, ар ыгъэIорышIэщтыгъ илъэс 28-рэ зыныбжь кIалэм.КIалэр зэрешъуагъэм полицейскэхэр егуцэфагъэх, ау медицинэ уплъэкIуныр ыкIуным ар къеуцолIагъэп, ащ фэдэ фитыныгъэу иIэр къызфигъэфедагъ.Автомобилыр зезыфэрэ ныбжьыкIэм икъэбар зызэхафым, ащ ыпэкIи административнэ пшъэдэкIыжь рагъэхьыгъагъэу къычIэкIыгъ. ЗэрагъэунэфыгъэмкIэ, ешъуагъэу транспортыр зэригъэIорышIагъэм пае машинэр зэрифэным ифитыныгъэ къезытырэ удостоверениер ащ Iахыгъагъ.Хэбзэукъоныгъэ зышIыгъэм иавтомобиль Iахыгъ ыкIи хэушъхьафыкIыгъэ уцупIэм дагъэуцуагъ. ДознаниемкIэ полицием икъэлэ отдел УФ-м и УК ия 264.1-рэ статья и 1-рэ Iахь елъытыгъэу уголовнэ Iоф къызэIуихыгъ. Хъулъфыгъэм илъэси 2 хьапс тыралъхьан алъэкIыщт.