ЦIыф зэрымыс быбырэ пкъыгъохэр нэплъэгъум къызыридзэхэкIэ, щынэгъончъэу узэрэзекIон фаер Адыгеим хэгъэгу кIоцI IофхэмкIэ и Министерствэ шъугу къегъэкIыжьы.
ЦIыф зэрымыс быбырэ пкъыгъор уашъом итэу е чIыгум тесэу шъулъэгъугъэмэ, егъэлыягъэу шъумыщын ыкIи благъэу ащ шъуемыкIуалI. Охътабэ тешъумыгъашIэу а чIыпIэм шъуIукI ыкIи ар зэрэшъулъэгъугъэр мыщ фэдэ номерхэмкIэ къулыкъушIэмэ афэшъуIопщ: 102-рэ ыкIи 112-рэ (мобильнэ телефонымкIэ утеон плъэкIыщт).ЦIыф зэрымыс быбырэ пкъыгъоу къэблагъэрэр шъулъэгъугъэмэ е ымакъэ зэхэшъухыгъэмэ, гъэбылъыпIэ чIыпIэ къэжъугъот — чIыунэр, бетоным хэшIыкIыгъэ псэуалъэр е фэшъхьафхэу ар къызыорэм къыпыкIыщт къутафэхэм шъуащызыухъумэщтхэр. Макъэу къэIухэрэм е остыгъэу къэнэфхэрэм шъунаIэ атешъудз. ЦIыф зэрымыс быбырэ пкъыгъомэ къапыIукIырэ макъэр нахьыбэрэмкIэ къэпшIэнэу щыт, ащ фэдэхэр къыраутэхыхэмэ е къаохэмэ къызэрэхэлыдыкIыхэрэр е Iугъоу къапыкIырэр шъулъэгъунхэ шъулъэкIыщт. Ащ амал къышъуитыщт игъом шъушIэщтым шъуегупшысэнэу.ЧIыпIэу цIыф зэрымыс быбырэ пкъыгъор къызтефагъэм е къызыщагъэтIысыгъэм уекIуалIэ е къутафэмэ уяIэ хъущтэп. Ар щыIэныгъэмкIэ щынэгъончъэп. Зэрар къызщышъуимыхыщт чIыпIэм нэс укIэрыкIынышъ, нэужым хъугъэ-шIагъэм щыбгъэгъозэнхэ фае. Фэтэрыбэу зэхэт унэм щыпсэухэрэр ачIэгъырэ къатым нэс ехыхэмэ, чIыунэм е паркингым чIахьэхэмэ нахьышIу. Лифтым уитIысхьэ хъущтэп. Фэтэрым укъызинэрэм, шъхьаныгъупчъэ зыхэмылъ унэм идэпкъитIумэ азыфагу, джэхашъом утетIысхьан фае, анахьышIур зыгъэпскIыпIэр ары. Шъхьаныгъупчъэм уIухьэ хъухэщтэп. Автомобилым уисымэ, ащ укъикIынышъ, псэуалъэу зызыщыбгъэбылъышъущтыр къэбгъотын фае.