Мыекъопэ къэралыгъо технологическэ университетым истудент 17-мэ Урысые Федерацием и Президент ыкIи и Правительствэ ястипендие къаратыщт.
Дэгъу дэдэу еджэхэу, шIэныгъэм пылъхэу, ежь япроектхэр атхыхэзэ зэнэкъокъухэм ахэлажьэхэрэм мыщ фэдэ зэфэхьысыжь дэгъухэр яIэ мэхъу, къэралыгъом къыхегъэщых.2026 — 2027-рэ илъэс еджэгъум Урысые Федерацием и Президент истипендие къаратыщт «Агрономием» щеджэрэ Вячеслав Карпенкэм, «Фармацием» чIэс Ангелина Меркуловам, «Iэзэн IофымкIэ» студентхэу Алена Бахтинам, Розали Обмачевскаям.Урысые Федерацием и Правительствэ истипендие къаратыщт «Экономикэм» ылъэныкъокIэ сэнэхьат зэзыгъэгъотыхэрэ Индрыс Замирэрэ Чатэ Данэрэ, «ФармациемкIэ» Ангелина Андреевамрэ Дарья Хорольцевамрэ , «Педиатрием» ылъэныкъокIэ Даур Бэллэ, «Iэзэн Iоф» зыфиIорэмкIэ Итыо Салбый, Нажьэ Динарэ ыкIи Янэ Паладовар. СтоматологиемкIэ Кобэщыч Аминэт ыкIи Валерия Марченкэр, къэбарлъыгъэIэс щынэгъончъэнымкIэ Сапый Миланэ ыкIи КIубэ Хьазрэт, къэкIыхэрэм ахэшIыкIыгъэ гъомылапхъэхэмкIэ Михаил Бат хэушъхьафыкIыгъэ стипендие зэратыщтхэм ахэфагъэх.Урысые Федерацием и Президент ыкIи и Правительствэ агъэнэфэгъэ стипендиехэр къызэратыхэрэр еджэнымкIэ ыкIи шIэныгъэ IофшIэнымкIэ анахь къахэщырэ студентхэр ары. ЯкъыхэхынкIэ анахьэу анаIэ зытырагъэтырэр дэгъоу зэреджэхэрэр, шIэныгъэм епхыгъэ IофшIэнэу яIэхэр, олимпиадэхэм ыкIи ушэтын зэфэшъхьафхэм зэрахэлажьэхэрэр, джащ фэдэу инновацием епхыгъэ проектэу яIэхэр ары.
Мыекъопэ къэралыгъо технологическэуниверситетым ипресс-къулыкъу.