АР-м и ЛIышъхьэ исоциальнэ нэкIубгъу
Iоныгъом и 1-м къыщегъэжьагъэу ятIонэрэ ыкIи ащ къыкIэлъыкIорэ кIэлэцIыкIухэр къызфэхъухэрэм е апIунэу зыштэхэрэм ипотекэмкIэ мэзэ 18 хъурэ «зыгъэпсэфыгъор» къызфагъэфедэшъущт. Ащ фэдэ чIыфэ шIыкIэкIэ унэ зыщэфыгъэм ахъщэу къылэжьырэм къызэрэщыкIагъэр ащ пае къыгъэшъыпкъэжьын ищыкIагъэп.
Шэпхъэ шъхьаIэу пылъыр — ипотекэр сомэ миллион 15-м емыхъуныр, ренэу щыпсэунымкIэ фэшъхьаф унэ чIыфэр зыштагъэм имыIэныр. Унагъом сабый къызыфэхъугъэ е кIэлэцIыкIур ыпIунэу зиштэгъэ уж мэфи 180-м къыкIоцI банкым зыфигъэзэн фае. Зы чIыфэмкIэ «зыгъэпсэфыгъохэр» зэ атых.Мэфитфым банкыр Iофым хэплъэщт. МэфипшIым къыкIоцI джэуап къымытыжьмэ, лъэIум къыдырагъэштагъэу къекIы. Апэрэ мэзихым «зыгъэпсэфыгъом» унашъоу пылъхэр къызэрыкIох, ау яблэнэрэ мазэм къыщегъэжьагъэу я 18-м нэс ипотекэмкIэ зэзэгъыныгъэм щыгъэнэфэгъэ процентымкIэ банкым иахъщэ техъо фишIын фит, арышъ, ипотекэр зыштагъэм ичIыфэ хэхъон ылъэкIыщт.