ШахматхэмкIэ республикэ зэнэкъокъоу «Жъогъо ныбжьыкIэхэр» зыфиIорэр Мыекъуапэ щыкIуагъ. Мыщ нэбгырэ 18 хэлэжьагъ — кIалэхэр ыкIи пшъашъэхэр.
КIалэхэм язэнэкъокъу пэрытныгъэр щиубытыгъ Мыекъуапэ щыпсэурэ Роман Киракосян. Ащ зэIукIэгъуибл иIагъ, зэкIэми текIоныгъэ къащыдихыгъ. Мэрэтыкъо ТIахьир тыжьын медаль фагъэшъошагъ, Дмитрий Жуковыр ящэнэрэ хъугъэ.ПшъашъэхэмкIэ къэгъэлъэгъон анахь дэгъу зиIэр Адыгеим икъэлэ шъхьаIэ щыпсэурэ Алиса Баточко, ащ очкоуи 5 ригъэкъугъ. ЯтIонэрэ чIыпIэр Елизавета Осиповам къыдихыгъ, Пхэнэе Данэ джэрз медаль къыхьыгъ.Турнирым изичэзыу едзыгъо Iоныгъом и 6-м рагъэжьэщт. Ащ зыщаушэтынэу нэбгырипшIымэ лъэIу тхылъхэр къатыгъэх. Фаехэр зэкIэ зэнэкъокъум хэлэжьэнхэ алъэкIыщт.