Iоныгъом и 6-м рагъэкIокIыщт

Кушъхьэфэчъэ спортыр зыгу рихьыхэрэр зыхэлэжьэщтхэ зичэзыу Iофтхьабзэ Iоныгъом и 6-м Мыекъуапэ щырагъэкIокIыщт. Ащ пае пэшIорыгъэшъэу зябгъэтхын ищыкIагъэп, зызыушэты зышIоигъохэм яспискэ пчэдыжьым сы­хьатыр 6-м къыщегъэжьагъэу сыхьатыр 6-рэ такъикъ 45-м нэс зэхагъэуцощт.Урамхэу Пионерскэмрэ Лермонтовым ыцIэ зыхьырэмрэ язэхэкIыпIэ дэжь Iофтхьабзэм хэлажьэхэрэр щызэрэугъоищтых. Гъогууанэр урамхэу Краснооктябрьскэм, Пролетарскэм, М. Горькэм ыцIэ зыхьырэм апхырыкIыщт, нэужым Пионерскэм къытехьажьыщтых, зыщаухыщтыр урамэу Майкопскэр ары.