Э. Лаутеншлегер
Адыгэ Республикэм лъэпкъ IофхэмкIэ, IэкIыб къэралхэм ащыпсэурэ зэлъэпкъэгъухэм адыряIэ зэпхыныгъэхэмкIэ ыкIи къэбар жъугъэм иамалхэмкIэ и Комитет журналистхэм апае зэхищэгъэ зэнэкъокъоу «На земле предков. Между прошлым и будущим» зыфиIорэм зэфэхьысыжьхэр фашIыгъ. Анахь IофшIэгъэ дэгъу зыгъэхьазырыгъэ журналистхэр агъэшIуагъэх.
— Къэралыгъор зыгъэбаирэр ащ ис цIыф лъэпкъыр, ахэм язэгурыIоныгъ. Анахьэу узыгъэгушIорэр зэфэшъхьаф хэгъэгушхохэм ащыпсэущтыгъэ тилъэпкъэгъухэу Адыгеим къэзыгъэзэжьыгъэхэм хэгъэгум илъ щыIакIэм дырагъаштэу зэрэпсэухэрэр ары. ЗичIыгужъ къэзыгъэзэжьыгъэхэр щыIэныгъэм хэгъэгъозэжьыгъэнхэр зэкIэми типшъэрылъ. Ахэм афэгъэхьыгъэу журналистхэм бэ къагъэлъагъорэр, къатхырэр. Зэнэкъокъум къырахьылIагъэ IофшIэнхэр зэкIэ дэгъух. Джыри тапэкIэ нахь чанэу шъукъыхэлэжьэнэу тэгугъэ, — къыIуагъ Комитетым ипащэу Долэ Долэт.Гъэзетхэмрэ журналхэмрэ къащыхаутыгъэхэмкIэ апэрэ чIыпIэр къыфагъэшъошагъ республикэ гъэзетэу «Адыгэ макъэм» икорреспондентэу Лъэпшъыкъо Фатимэ гъэзетым къыхиутыгъэ тхыгъэу «ГупсэфыпIэ афэхъугъ» зыфиIорэм пае.Телевизионнэ къэтынхэмкIэ апэрэ чIыпIэр фагъэшъошагъ Къэралыгъо телерадиокомпаниеу «Адыгеям» игъэцэкIэкIо продюсерэу ТIэшъу Светланэ ыгъэхьазырыгъэ телекъэтынэу «Мнение» зыфиIорэм пае.Къэралыгъо телерадиокомпаниеу «Адыгеям» радиокъэтынхэмкIэ икъулыкъу иIофышIэхэу ХьакIэмыз Сусанэ радиокъэтынэу «ТихьакI» зыфиIорэр къыхахыгъ.Iофтхьабзэм къыдыхэлъытагъэу журналистхэм щытхъу тхылъхэр афагъэшъошагъэх.Лъэпшъыкъо Фатим.