Республикэ гъэзетэу «Советскэ Адыгеим» УФ-м ижурналистхэм я Союз зэхищэгъэгъэ сэнэхьат творческэ зэнэкъокъум илъэныкъоу «Дизайн анахь дэгъум» текIоныгъэр къыщыдихыгъ.
ПстэумкIи заявкэ 685-рэ, ащ щыщэу 89-р «Дизайн анахь дэгъу» зыфиIорэ лъэныкъомкIэ, зэнэкъокъум къырахьылIэгъагъ.— Урысыем ижурналистхэм я Союз зэхищэгъэ зэнэкъокъум апэрэу тыхэлэжьагъ. Къэбархэр гъэзетеджэхэм гурыIогъошIоу, Iэрыфэгъоу алъыгъэIэсыгъэнхэм, лъэгъупхъэу гъэзетыр зэхэгъэуцогъэным мэхьанэшхо зэрестырэм къыхэкIэу сигуапэу дипломыр къаIысхыжьыгъ. ЖъоныгъуакIэм и 9-м ипэгъокIэу къыдэдгъэкIыгъэ номерэу Хэгъэгу зэошхом фэгъэхьыгъэ къэбар нэпцIхэм мышъыпкъэу ахэлъыр къызщытIотагъэр ары зэнэкъокъум дгъэхьыгъэр. Материал шъхьаIэу ащ итыр республикэм ижурналист пэрытхэм ащыщэу Валерия Врубель ыгъэхьазырыгъ, номерыр зэхэзыгъэуцуагъэр дизайнер IэпэIасэу, мы Iофым хэшIыкI фызиIэу Алексей Ковбасюк, — къыIотагъ «Советскэ Адыгеим» иредактор шъхьаIэу Цундышкэ Зарэ.Журналистхэм яя 30-рэ форумэу шышъхьэIум и 25-м къыщегъэжьагъэу и 31-м нэс Шъачэ щыкIуагъэм къыхагъэщыгъэхэм къалэжьыгъэхэр къащаратыжьыгъэх.