МКъТУ
Партиеу «Единэ Россием» и Адыгэ шъолъыр къутамэ иконференцие партием хэдзынхэмкIэ ипэшIорыгъэшъ программэу республикэ парламентым идепутатхэм яхэдзын фытегъэпсыхьагъэр делегатхэм щаштагъ.
Республикэм щыпсэухэрэм яшIоигъоныгъэхэр къыдалъытэзэ ар зэхагъэуцуагъ, яенэрэ зэIугъэкIэгъумкIэ Адыгэ Республикэм и Къэралыгъо Совет — Хасэм зэшIуихын фэе пшъэрылъхэр щагъэнэфагъэх. Программэм илъэныкъо пстэури зигъо Iофыгъохэм язэшIохын фытегъэпсыхьагъ. Ащ фэдэ лъэныкъохэр: хэушъхьафыкIыгъэ дзэ операцием хэлажьэхэрэм ыкIи ахэм яунагъохэм арысхэм IэпыIэгъу ягъэгъотыгъэныр; псауныгъэм икъэухъумэнкIэ ыкIи гъэсэныгъэмкIэ цIыфхэм амалэу яIэхэм зыкъягъэIэтыгъэныр; демографие Iофхэм язытет нахьышIу шIыгъэныр, унагъохэм щыIэкIэ амалэу яIэхэм ахэгъэхъогъэныр, лъэныкъо пстэумкIи кIэлэцIыкIухэм яамалхэм зыкъызэIуарагъэхынымкIэ ищыкIэгъэ Iофтхьабзэхэр зехьэгъэнхэр; къэлэ щыIэкIэ Iэрыфэгъу щыIэныр, общественнэ чIыпIэхэр джырэ уахътэм диштэу зэтегъэпсыхьэгъэнхэр; республикэм иотраслэ пэрытхэм — къыдэгъэкIыжьыным, мэкъу-мэщым, зекIоным зарагъэушъомбгъузэ, экономикэм зыкъегъэIэтыгъэ-ныр; культурэм IэпыIэгъу егъэгъотыгъэныр, тарихъ шIэжьыр къэухъумэгъэныр.Партиеу «Единэ Россием» Iоф зишIэрэ илъэсхэм къакIоцI унашъоу ыштэхэрэмкIэ пшъэдэкIыжь ыхьыным зэрэфэхьазырыр къыгъэлъэгъуагъ. Мэхьанэшхо зиIэ зэхъокIыныгъэхэу непэ щыIэныгъэм щыпхыращыхэрэм кIэщакIо афэхъурэр «Единэ Россиер» ары, ащкIэ гъэцэкIэкIо хабзэмрэ лIыкIо хабзэмрэ гъусэныгъэ пытэ адыриI. Партием игъо ылъэгъухэрэм цIыфхэм къазэрадырагъаштэрэми мэхьанэшхо иI. ЦIыфхэм яшIошIхэр къыдэтлъытэзэ, программнэ документхэр зызэхэдгъэуцохэкIэ, зыфэныкъохэр ахэм зэрагъотыщтым, рагъэжьэгъэ проектхэр зэкIэ ыкIэм нэсыфэ зэрэзэдэдгъэцэкIэщтым уицыхьэ телъы хъущт.