Лъэпкъым итхэкIо цIэрыIоу, адыгэ литературэм лъапсэ фэзышIыгъэу, лъэпкъ прозэм иклассикэу, СССР-м и Къэралыгъо премие зыфагъэшъошэгъэ КIэрэщэ Тембот шышъхьэIум и 16-м къызыхъугъэр илъэси 124-рэ хъугъэАщ фэгъэхьыгъэу литературнэ музеим КIэрэщэ Тембот исаугъэт дэжь Iофтхьабзэ щызэхищагъ. Музеим иIофышIэу Хъот Саидэ еджапIэу «Эрудитым» чIэсхэр къыригъэблэгъагъэх ыкIи зэнэкъокъоу «Уахътэр.Тарихъыр.ЦIыфхэр» зыцIэр зэхищагъ.Зэхахьэм ипэублэ тхэкIошхом итворческэ гъогу фэгъэхьыгъэу зэхэщакIом ныбжьыкIэхэм къафиIотагъ, художественнэ тхылъхэу Тембот икъэлэмыпэ къыпыкIыгъэхэм къатегущыIагъ. Этнографиер ащ зэриугъоижьыгъэр, зэрэзэригъэкIужьыгъэр, адыгэ лъэпкъым ихабзэхэм, икультурэ къарыкIуагъэр зэрэзэригъэшIагъэр, ахэр ухъумэгъэнхэм зэрэфэлэжьагъэр къыхигъэщыгъ.— КIэрэщэ Тембот ыцIэ зымышIэрэ ыкIи зымыгъэлъапIэрэ Адыгеим исэп. Хэкум изакъоп, зэрэхэгъэгушхоу ыкIи IэкIыб хэгъэгухэм ар ащызэлъашIэ. Итхылъхэр бзэ зэфэшъхьафхэмкIэ къыдагъэкIых. ТхэкIошхом илъэпкъ исурэт гущыIэкIэ, гупшысэ куукIэ къыригъэлъэгъукIыныр фызэшIокIыгъ. Непэрэ зэхахьэм тхэкIошхом итворчествэ анахь дэгъоу щыгъуазэр къыщынэфэщт,— къыIуагъ Хъот Саидэ.Iофтхьабзэм къыдыхэлъытагъэу КIэрэщэ Тембот итворчествэ фэгъэхьыгъэ упчIабэ еджакIомэ зэхафыгъ, итхыгъэхэм къахэхыгъэ пычыгъохэм къяджагъэх.