АР-м и ЛIышъхьэ ипресс-къулыкъу
Журналистхэм яя 30-рэ Зэфэсэу «Вся Россия-2026» зыфиIорэр Шъачэ щэкIо.
Тихэгъэгу ишъолъырхэм, Белоруссием, Китаим, КНДР-м, Абхъазым яжурналист миным ехъу ащ къыщызэрэугъоигъ. Адыгеим илIыкIо куп — республикэ, муниципальнэ къэбарлъыгъэIэс амалхэм яжурналисти 9 ащ хэлажьэ. Ахэм ащыщ «Адыгэ макъэм» иредактор шъхьаIэу МэщлIэкъо Саидэ.«Урысыем щыпсэурэ лъэпкъхэм языкIыныгъэ и Илъэс мыщ фэдэ Iофтхьабзэхэм мэхьанэшхо яI: ахэм обществэр нахь зэкъуагъэуцо, тихэгъэгу щыпсэурэ лъэпкъхэм ятарихъ-культурэ кIэнрэ непэ щыIакIэу яIэмрэ нэIуасэ афашIых.КъэбарлъыгъэIэс амалхэмрэ обществэмрэ апашъхьэ непэ Iофыгъоу итхэм форумым щатегущыIэщтых, IофшIэкIэшIоу аIэкIэлъхэмкIэ зэдэгощэщтых. Публицист, политик, шIэныгъэлэжь, эксперт пэрытхэм журналистхэм мастер-классхэр афызэхащэщтых, лекциехэм къяджэщтых. МедиапроектыкIэхэм ялъэтегъэуцохэм, къэгъэлъэгъонхэм, Iэнэ хъураехэм журналистхэр ахэлэжьэщтых.Журналистхэм яя 30-рэ Зэфэс хэлажьэхэрэм яIофхэр зэпыфэнэу, ятворческэ гухэлъхэр къадэхъунэу, ыпэкIэ лъыкIотэ зэпытынхэу сафэлъаIо!» — аритхагъ социальнэ хъытыухэм АР-м и ЛIышъхьэу КъумпIыл Мурат.