Дипломхэр аритыжьыгъ

Республикэ программэу «Адыгеим илIыхъужъхэр» зыфиIорэм ипхырыщын зэраухыгъэм тегъэ-­псыхьэгъэ Iофтхьабзэр АР-м и Правительствэ зычIэт унэм щыкIуагъ. Мы программэм диштэухэушъхьафыкIыгъэ дзэ операцием хэлажьэхэрэмрэ иветеранхэмрэ «Къэралыгъо, муници­пальнэ гъэIорышIэныр» зыфиIорэ лъэныкъомкIэ сэнэхьат гъэсэныгъэ арагъэгъотыгъ.Адыгеим и ЛIышъхьэу КъумпIыл Мурат еджэныр къэзыухыгъэхэм афэгушIуагъ.

Iофтхьабзэм хэлэжьагъэх хэу­шъхьафыкIыгъэ дзэ операцием иветеранхэм я Ассоциацие итхьаматэу, АР-м и Къэралыгъо Совет — Хасэм и Тхьаматэ игуадзэу, Урысыем и ЛIыхъу­жъэу Цэй Эдуард, АР-м иминистрэхэм я Кабинет и Тхьаматэ игуадзэу Хъоткъо Хъызыр, президент программэу «ЛIы­хъужъхэм яуахът» зыфиIорэм хэлажьэу Сергей Ковалевыр, Мыекъопэ къэралыгъо техно­логическэ университетым ипроректорэу Татьяна Овсянниковар, кураторхэр, еджэныр къэзыухыгъэхэм янаучнэ пащэхэр.

Республикэм ипащэ Iофтхьабзэм хэлэжьагъэхэм агу къызэригъэкIыжьыгъэмкIэ, хэу­шъхьафыкIыгъэ дзэ операцием хэлажьэхэрэм сэнэхьат гъэ­сэныгъэ ягъэгъотыгъэным те­гъэпсыхьэгъэ программэу «Адыгеим илIыхъужъхэр» зыфиIорэм ипхырыщын Урысые Федерацием и Президентэу Владимир Путиным къыгъэнэ­фэгъэ пшъэрылъым диштэу гъэрекIо фежьэгъагъэх. Еджэныр къэзыухыгъэ нэбгырэ пэпчъ хэгъэгум къулыкъу фихьыгъ, хэушъхьафыкIыгъэ дзэ операцием хэлэжьагъ.«Iашэ шъуIыгъэу Урысыем ифедэхэр къэжъугъэгъунагъэх. IэпэIэсэныгъэу шъуиIэ хъугъэр мамыр щыIакIэми тапэкIэ къыщышъушъхьэпэщт. Республикэри, хэгъэгури шъощ фэдэхэм — гущыIэм, унашъом, цIыфыпсэм ауасэ зышIэхэрэм, купым хэтхэу лэжьэн, чIыпIэ анахь къинхэми псынкIэу унашъохэр зыштэн зылъэкIыхэрэм, къиныгъохэм зыкъязымыгъэ­гъащтхэрэм непэ афэныкъу», — къыIуагъ КъумпIыл Мурат.Илъэсым къыкIоцI программэм хэлэжьагъэхэм къэралыгъо, муниципальнэ гъэIорышIэнымкIэ къулаиныгъэ гъэнэфагъэхэр аIэ къырагъэхьагъэх, тиреспубликэ иэкономикэ илъэныкъо шъхьа­Iэхэм янэшанэхэм защагъэгъозагъ. IэпэIэсэныгъэшхо зиIэхэм: министрэхэм, муниципалитетхэм япащэхэм ахэр агъэсагъэх, шIэныгъэу яIэмкIэ адэгощагъэх.

«Федеральнэ программэу «ЛIыхъужъхэм яуахът» зыфиIо­рэм хэлэжьэрэ Сергей Ковалевым игъэсакIоу сызэрэщытым епхыгъэу къэсIон слъэкIыщт иIофшIэнкIэ тапэкIэ къышъхьэпэщт шIэныгъэхэмрэ къулайныгъэхэмрэ ащ IэкIэзгъэхьанхэм сишъыпкъэу сызэрэпылъыр. Опытэу шъуиIэ хъугъэр шъуикъулыкъу пшъэрылъхэм ягъэцэкIэнкIэ къызэрэшъушъхьэпэщтым сицыхьэ телъ», — къы­Iуагъ АР-м и ЛIышъхьэ.Республикэм ипащэ зэрэхигъэунэфыкIыгъэмкIэ, еджэныр къэзыухыгъэхэм Iофышхо джыри тапэкIэ къапыщылъэ. Унэшъо тэрэзхэр ахэм аштэнхэм, цIыф­хэм агу афызэIухыгъэным мэхьанэшхо иI.«ШъуиIофшIэнкIэ осэ шъхьа­Iэу щытын фаер Адыгеим щы­псэухэрэм цыхьэ къышъуфа­шIыныр ары. Псауныгъэ пытэ шъуи­Iэнэу, Iофэу ешъухьыжьэрэ пстэуми гъэхъагъэхэр ащы­шъушIынэу, Адыгеимрэ Урысыемрэ нахь зэтегъэпсыхьагъэ хъунхэм шъуишъыпкъэу шъуа­дэлэжьэнэу сышъуфэлъаIо!», — къыIуагъ КъумпIыл Мурат.Республикэм ипащэ еджэныр къэзыухыгъэхэм дипломхэр ари­тыжьыгъэх. Цэй Эдуард, Татьяна Овсянниковар, Сергей Ковалевыр къэзэрэугъоигъэхэм афэгушIуагъэх.ХэушъхьафыкIыгъэ дзэ операцием иветеранхэм республи­кэм и ЛIышъхьи, зыгъэсагъэхэми, программэу «Адыгеим илIы­хъужъхэр» зыфиIорэм ипхы­ры­щын хэлэжьэгъэ пстэуми зэра­фэразэхэр къаIуагъ. ЗэIу­кIэм икIэух АР-м и ЛIышъхьэ еджэныр къэзыухыгъэхэм адэгущыIагъ.