Фондым ихъарзынэщ
Къэралыгъо фондэу «Хэгъэгум иухъумакIохэр» зыфиIорэм икъутамэу Адыгеим щыIэм хэушъхьафыкIыгъэ дзэ операцием иветеранхэр ыкIи ахэм яунагъохэр зыхэлэжьэгъэхэ Iофтхьабзэ зэхищагъ. «Уиехэм уахэтэу» зыфиIорэ проектым ар къыдыхэлъытагъ.
Къэралыгъом иухъумакIохэм яунагъохэм IэпыIэгъу афэхъунхэмкIэ фондым икъутамэу Адыгеим щыIэм Iофышхо ешIэ. Социальнэ, медицинэ, нэмыкI лъэныкъохэмкIи гумэкIыгъоу яIэхэр афызэхафых. ТидзэкIолIхэм къинэу зэопIэ чIыпIэм щалъэгъугъэр тIэкIу ащагъэгъупшэным, щыIэныгъэ къызэрыкIом хэгъозэжьынхэм фэшI яунагъохэри къырагъэблагъэхэзэ зэхахьэхэр афызэхащэх.Мызыгъэгум загъэпсэфынэу унагъохэр агъэкIуагъэх. Апэрэ уцупIэр — Мыекъопэ районым псэушъхьэхэр зыщаIыгъ чIыпIэу итыр ары. Сабыйхэм ахэр ашIогъэшIэгъоныгъэх. Альпакхэр, щыдхэр, тхьакIумкIыхьэхэр ыкIи пчэн цIыкIухэр агъэшхагъэх, ягъусэхэу сурэтхэр зытырахыгъэх.ПсэупIэу Тульскэм дэт зыгъэпсэфыпIэхэм яз унагъохэр нэужым рагъэблэгъагъэх. Псы фабэ зэрыт зыгъэпскIыпIэхэм яуахътэ ахэм щагъэкIуагъ.ХэушъхьафыкIыгъэ дзэ операцием хэлажьэхэрэми, ахэм яунагъохэми заом илъэужхэр зэхамышIэн алъэкIырэп. Арышъ, дзэкIолIхэм республикэм къызагъэзэжькIэ, дэир зэкIэ зыщагъэгъупшэным Iофтхьабзэхэр зэрэфэIорышIэхэрэр фондым хэтхэм къыхагъэщы. «Уиехэм уахэтэу» зыфиIорэ проектыр ащ фэIорышIэ.Цэй Замир.