Пчъагъэр зэфэдиз

ФутболымкIэ Урысыем ипервенствэ иятIонэрэ лигэ щешIэрэ ­Мыекъопэ «Зэкъошныгъэм» я 20-рэ турым къыдыхэлъытэгъэ зэIукIэгъу мы мафэхэм иIагъ. Бахчисарай икомандэу «Кызылташ» ти­хьэкIагъ.

«Зэкъошныгъ» — «Кызылташ» — 1:1 (0:1)Iэгуаор къэлапчъэм дэзыдзагъэхэр:Р. Маргиевыр (я 10-рэ такъикъыр), А. Солоп (я 73-рэ такъикъыр).«Зэкъошныгъэм» щешIагъэх:Хачировыр (къэлэпчъэIут), Солоп, Черджиевыр, Датиевыр, ХъуакIор (Зезэрахьэр), Цанава, Коблыр, Юшко, Малыш, Хьэхыр (Делэкъор), Къонэр.Тренер шъхьаIэр: Александр Кайвановыр.«Кызылташ» хэтыгъэх:Репиныр (къэлэпчъэIут), Завьяловыр, Масленниковыр, Рамазановыр, Ситниковыр (Лаврека), Моргуновыр (Лутфиевыр), Маргиевыр, Елесиныр (Габуевыр), Асадовыр (Лукиных), Кабисовыр, Мемешевыр (Забун).Тренер шъхьаIэр: Геннадий Орбу.

ЗэIукIэгъум ия 10-рэ такъикъ хьакIэхэм пчъагъэр къызэIуахыгъ. Руслан Маргиевыр къэлапчъэм метрэ 40-м ехъукIэ пэчыжьэу къыдэуагъ ыкIи Iэгуаор ащ дидзагъ. Апэрэ таймыр 0:1-у аухыгъ. ЯтIонэрэ едзыгъом бысымхэм яешIакIэ рагъэхъугъ, ыпэкIэ нахь илъыхэу рагъэжьагъ. ХьакIэхэр зыкъэухъу­мэжьыным нахь пылъыгъэх. Ау я 73-рэ такъикъым тифутболистэу Аркадий Солоп къэлапчъэм Iэгуаор дидзагъ, пчъагъэр зэ­фэдиз хъугъэ. Ащ ыуж «Зэкъошныгъэм» пчъагъэм хигъэхъонымкIэ амал заулэ иIагъ, ау къыдэхъугъэп. ХьакIэхэри текIоныгъэм пэблэгъагъэх. Я 82-рэ такъикъым Данила Лукиных къэлапчъэм лъэшэу дэуагъ, ау тикомандэ хэт Заур Датиевым Iэгуаор къы­зэкIидзэн ылъэкIыгъ. Пчъагъэр 1:1-у зэIукIэгъур аухыгъ. Яхэнэрэ ешIэгъу хъугъэу «Зэ­къошныгъэм» текIоныгъэ къыдихын ылъэ­кIырэп. Аужырэу очкоуищ къызихьыгъэр мэкъуогъум и 20-р ары, ащыгъум командэу «Чайка-М» текIогъагъ.Я 20-рэ турым изэфэхьысыжьхэр:«Динамо-2» — «Чайка-М» — 0:3, «Ангушт» — «Севастополь» — 0:1, «Победа» — «Заря» — 3:0, «Астрахань» — «Ростов-2» — 1:1, «Нефтяник» — «Шахтер» — 0:2, «Нарт» — «Рубин Ялта» — 0:1, «Зэкъошныгъ» — «Кызылташ» — 1:1«Зэкъошныгъэм» ябгъонэрэ чIыпIэр еубы­ты, ящэнэрэу щыт «Ростов-2-м» очко 16-кIэ ыуж къенэ. ШышъхьэIум и 29-м тикомандэ «Рубин Ялтэм» дешIэщт, зэIукIэгъур Ялтэ щыкIощт.Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «Севастополь» — 44
2. «Шахтер» — 42
3. «Ростов-2» — 40
4. «Рубин Ялта» — 31
5. «Победа» — 30
6. «Кызылташ» — 28
7. «Спартак-Налщык» — 28
8. «Нарт» — 27
9. «Зэкъошныгъ» — 24
10. «Заря» — 20
11. «Астрахань» — 19
12. «Нефтяник» — 18
13. «Ангушт» — 16
14. «Динамо-2» — 13
15. «Чайка-М» — 11