Теннис цIыкIумкIэ турнир шышъхьэIум и 21-м зыгъэпсэфыпIэу «Мэздахэ» щыкIуагъ.
Мы чIыпIэр Мыекъуапэ щыпсэухэрэми хьакIэхэми лъэшэу агу рехьы, цIыф кIуапIэу щыт. Iофтхьабзэм кIэщакIо фэхъугъ Мыекъуапэ физическэ культурэмкIэ ыкIи спортымкIэ и Комитет.Iофтхьабзэм хэлэжьагъэхэр купитIоу гощыгъагъэх: зыныбжь илъэс 17-м емыхъугъэхэр, илъэс 18-м нэсыгъэхэр ыкIи нахьыжъхэр. НахьыкIэхэм якуп кIэли 9-рэ пшъэшъи 6-рэ хэтыгъ. Нахьыжъхэм — хъулъфыгъэ 28-рэ ыкIи бзылъфыгъэ 17.Зэнэкъокъухэр пчыхьэм бэрэскэшхом рагъажьэхи, зэлъыпытэу сыхьатиплIырэ кIуагъэх. НахьыкIэхэм якуп текIоныгъэр къыщыдахыгъ къуаджэу Улапэ къэзыгъэлъэгъогъэ Бзаго Дамиррэ станицэу Ханскэм щыщ София Рычковамрэ. Нахьыжъхэм якуп анахь щылъэшыгъэх Мыекъуапэ щыпсэурэ Александр Мурзиновымрэ къуаджэу Хьатикъуае щыщ Надежда Трофимовамрэ.