Мышъэ А. ихъарзынэщ
Адыгеим инароднэ артистэу Мышъэ Анзаур Къэралыгъо орэдыIо-къэшъокIо ансамблэу «Ислъамыем» ихудожественнэ пащэу агъэнэфагъ.
Адыгэ республикэ колледжэу Тхьабысымэ Умар ыцIэ зыхьырэр, ащ ыуж культурэмкIэ Пшызэ къэралыгъо институтыр Анзаур къыухыгъэх. 2005-рэ илъэсым орэдыIо-къэшъокIо ансамблэу «Ислъамыем» иартистэу, 2017-рэ илъэсым ансамблэм ихудожественнэ пащэ игуадзэу лэжьагъэ. Зэш Соловьевхэм ацIэкIэ агъэнэфэгъэ шIухьафтыным илауреат. 2025-рэ илъэсым ащ ыцIэ Мыекъуапэ и Щытхъу пхъэмбгъу тыратхагъ.Урысыем имызакъоу, IэкIыб къэралыгъохэм япчэгу анахь цIэрыIохэм закъыщызгъэлъэгъогъэ «Ислъамыем» Мышъэ Анзаур пщынэо Iазэу игъусэу илъэсыбэм мэлажьэ. Тыркуем, Иорданием, Грецием, Италием, Германием, Чехием, Великобританием ащыкIогъэ фестивальхэу «Ислъамыер» зыдэщыIагъэхэм ар ахэлэжьагъ.«Ислъамыер» республикэм иансамблэ пэрытхэм ащыщ. Лъэпкъ культурэмрэ искусствэмрэ иIахьышIоу ахэлъым ыкIи ахилъхьэрэм республикэм осэшхо щыфашIы.Ансамблэм игъэхъагъэхэм ахигъэхъонэу, ипшъэрылъхэм язэшIохын ыкIуачIэ къыхьынэу Мышъэ Анзаур тыфэлъаIо!