Адыгеим щыщ Валерий Пономаренкэм щэ щэрыонымкIэ Урысыем и Кубок икъыдэхын фэгъэхьыгъэ зэнэкъокъум тыжьын медаль къыщихьыгъ. Iэпкъ-лъэпкъ уз зиIэхэр зыхэлэжьэгъэхэ турнирыр къалэу Ижевскэ щыкIуагъ.
Урысыем ишъолъыр зэфэшъхьафхэм къарыкIыгъэ спортсменхэм мыщ зыщаушэтыгъ. Ахэм ахэтыгъэх IэпэIэсэныгъэшхо зыIэкIэлъхэри сэнаущыгъэ зыхэлъ ныбжьыкIэхэри.Пономаренкэр спортымкIэ заслуженнэ мастер, паралимпийскэ джэгунхэм гъогогъу пчъагъэрэ хагъэунэфыкIырэ чIыпIэхэр къащыдихыгъ, 2008-рэ илъэсым Пекин щыкIогъэ мыщ фэдэ зэнэкъокъум, дунаим ыкIи Европэм ячемпион.Тиспортсмен лъэныкъоу «МП 25м» зыфиIорэм зыщиушэтыгъ. Ар зэнэкъокъум фэзыгъэхьазырыгъэр ежь иунэе тренерэу Георгий Гуляйченкэр ары.