Лъэс зекIонымкIэ фестивалэу «Тайные тропы здоровья» зыфиIорэм изэфэхьысыжьхэр мы мафэхэм ашIыгъэх. Физкультурникым и Мафэ фэгъэхьыгъэу ар рагъэкIокIыгъ.
Iофтхьабзэм хэлэжьагъэхэу шапхъэхэр зыгъэцэкIагъэхэр республикэ стадионэу «Зэкъошныгъэм» щагъэшIуагъэх. Зызыушэтыгъэ нэбгырэ 92-м щыщэу къыхагъэщыгъэр 63-рэ.ЗэхэщакIохэм зэрагъэнэфагъэу, нэбгырэ пэпчъ тхьамафэм лъэбэкъу минишъэ нахь мымакIэу къыкIун фэягъ. Ар гъэцэкIагъэ зэрэхъурэр мобильнэ приложениеу «Шаги ВКонтакте» зыфиIорэмкIэ ауплъэкIугъ.Iофтхьабзэм икIэухым ащ къекIолIагъэхэр зэхэтхэу нэпэеплъ сурэт зытырарагъэхыгъ. ЗэхэщакIохэм къызэрэхагъэщыгъэмкIэ, къыкIэлъыкIорэ мыщ фэдэ фестивалыр Iоныгъом и 28-м къыщегъэжьагъэу чъэпыогъум и 4-м нэс зэхащэщт. Адыгеим ыкIи республикэм икъэлэ шъхьаIэ ямэфэкI мафэхэм яхэгъэунэфыкIын ар тефэщт.