АР-м мэкъу-мэщымкIэ и Министерствэ къызэритырэмкIэ, коц тонн 373-рэ мыгъэ чIыгулэжьхэм аугъоижьыгъ.
Шъугу къэдгъэкIыжьын, пстэумкIи чIыгу гектари 112-мэ бжыхьасэхэр ащашIэгъагъ. Пчъагъэм щыщэу гектар 90-м лэжьыгъэ шъхьаIэр, коцыр, къащагъэкIыгъ. Аужырэ илъэсхэмкIэ мыгъэрэ хыныгъор чIыгулэжьхэмкIэ анахь къиныгъэхэм ащыщ. Оялэу зэрэщытыгъэмрэ чIыгур зэрэцIынагъэмрэ апкъ къикIэу игъом шъофхэм арыхьэшъугъэхэп. А пстэур гъэбэжъум егоуагъ, гурытымкIэ центнер 43-рэ гектарым къытырахыжьыгъ. БлэкIыгъэ илъэсым икъэгъэлъэгъонхэм ягъэпшагъэмэ, ар фэдизрэ ныкъорэкIэ нахь макI. Ары нахь мышIэми, лэжьыгъэм изытет щыкIагъэ фэмыхъугъэу мэкъу-мэщымкIэ Министерствэм къыщыхагъэщы. Ызыныкъом тIэкIу къехъурэр ящэнэрэ-яплIэнэрэ классым хэхьэ, ызыныкъом нахь макIэр ятфэнэрэ, ятIонэрэ класси къыхэфэ. Джы аугъоижьыгъэм ищэгъу къэсыфэ лэжьыгъэм хэз фэмыхъоу аухъумэныр мэкъумэщышIэхэм япшъэрылъ, иIугъэкIын тэрэзэу екIолIэнхэ фае. НепэкIэ лэжьыгъэм ыуасэ инэп, зы килограммыр соми 10 — 11.