ШышъхьэIум и 10-м Киевскэ режимым террористическэ акт Республикэу Татарстан щызэрихьагъ: цIыф зэрымыс быбырэ пкъыгъохэмкIэ гражданскэ, промышленнэ псэуалъэхэу Нижнекамскэ дэтхэм яуагъ. ТхьамыкIагъом нэбгырэ 40 фэдизмэ шъобж хахыгъ, мамыр цIыф 13 хэкIодагъ, зы сабый ахэм къахэфагъ. Джыдэдэм Татарстан щэшъыгъох.Адыгеим и ЛIышъхьэу КъумпIыл Мурат республикэм ипащи, террористическэ актым хэкIодагъэхэм яунагъохэми афэтхьаусыхагъ. «Адыгеим щыпсэухэрэм ацIэкIэ Татарстан и Раисэу Рустам Миннихановыми, тхьамыкIагъо къызэхъулIагъэхэм яунагъохэми сафэтхьаусыхэ. Террористическэ актым шъобж хэзыхыгъэхэм япсауныгъэ псынкIэу зыпкъ иуцожьынэу сафэлъаIо! — ритхагъ ащ итхьаусыхэ тхылъ.
ЛIышъхьэр афэтхьаусыхагъ
Поделиться:
