Адыгэ Республикэм щыпсэухэу лъытэныгъэ зыфэтшIыхэрэр!Физкультурникым и МафэкIэ тышъуфэгушIо!
Тилъэхъан спортым обществэм ищыIэныгъэ мэхьанэшхо щегъэцакIэ. Зэнэкъокъу зэфэшъхьафхэм зэрахэлажьэхэрэм, текIоныгъэшхохэр къызэрэдахыхэрэм ямызакъоу, спортым цIыф лъэпкъхэр нахь зэрепхых, хэхъоныгъэ арегъэшIы.Физическэ культурэмрэ спортымрэ зэрапылъхэм ишIуагъэкIэ теубытэныгъэу ахэлъым хэхъо, апкъышъол нахь псыхьагъэ мэхъу. НыбжьыкIэхэр ячIыпIэгъу спортсменхэм ягъэхъагъэхэм арэгушхох, спорт текIоныгъэшхохэр ашIынхэмкIэ апэрэ лъэбэкъухэр адзых. Ахэм тренировкэхэр еджэпIэ стадионхэм, спорт джэгупIэхэм ащашIых, япсауныгъэ ащагъэпытэ.Спортымрэ физкультурэмрэ зягъэушъомбгъугъэныр анахьэу тынаIэ зытедгъэтырэ лъэныкъохэм ащыщ. Мэхьанэшхо зиIэ ащ фэдэ пшъэрылъыр дгъэцакIэзэ, къэралыгъоми, партиеу «Единэ Россиеми» къытатырэ амалхэр къызфэтэгъэфедэх — спорт еджапIэхэр тэгъэпсых, джырэ шапхъэхэм адиштэрэ оборудованиер къэтэщэфы, спорт секциякIэхэр къызэIутэхых.Тренерхэм къалэхэми, къуаджэхэми адэс кIэлэцIыкIухэу сэнаущыгъэ зиIэхэм гъунэ зэралъафыщтым, яамалхэм зыкъызэрэзэIурагъэхыщтым тицыхьэ телъ.ТичIыпIэгъу лъапIэхэм, зищыIэныгъэ физкультурэмрэ спортымрэ языпхыгъэ пстэуми псауныгъэ пытэ, щыIэкIэшIу, гуетыныгъэ яIэнэу, Адыгеимрэ Урысыемрэ апае текIоныгъэшхохэр ашIынэу тафэлъаIо!Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл МуратАдыгэ Республикэм и Къэралыгъо Совет – Хасэм и ТхьаматэуВладимир Нарожнэр