Адыгеим «идышъэ фыжь»

Интернетым хэхъоныгъэ егъэшIыгъэнымкIэ Институтым зэхищэгъэ зэнэкъокъум «Адыгеим идышъэ фыжь» зыфиIорэ проектыр щытекIуагъ.

2026-рэ илъэсым зэрагъэнэкъокъугъэ проектмэ зэфэхьысыжьхэр афашIыгъэх. Урысыем ишъолъыр 40-мэ къатыгъэ проектмэ, ахэм ахэтыгъэх ДНР-р, ЛНР-р, Херсонскэ ыкIи Запорожскэ хэкухэр, Республикэу Къырым ыкIи Севастополь, зэкIэмкIи гукъэкI 56-мэ къэралыгъо IэпыIэгъу агъотыгъ.«Блогосферэм ит контентыр» зыцIэ лъэныкъомкIэ текIоныгъэр къыдэзыхыгъэмэ ащыщ проектэу «Адыгеим идышъэ фыжь» зыфиIорэр. Ащ иавторых «МедиакIэхэм ямастерской» къычIитIупщыгъэхэу ыкIи президентскэ платформэу «Урысыер — амалыбэхэм яхэгъэгу» зыфиIорэм изэнэкъокъоу «ТОПБлогым» щытекIуагъэхэ Ацумыжъ Адамэрэ Юлия Бондаревамрэ.МедиапроектыкIэр Адыгэ Республикэм игъомылэпхъэ тамыгъэ шъхьаIэм — адыгэ къуаем фэгъэхьыгъ. Шъолъырым щыпсэухэу къуаем иихын дэлажьэхэрэм, фэшъхьаф къое лъэпкъхэм къахэзыгъэ­щырэм, тарихъэу пылъым къэтыныр къатегущыIэ.«Адыгэ къуаер — гъомылэпхъэ къодыеп. Ар тичIыгу иIэшIугъ, тилъэпкъ итарихъ, лIэужыбэхэм яIофшIагъ. «Адыгеим идышъэ фыжьымкIэ» къэдгъэлъэгъонэу тыфэягъ къое такъыр пэпчъ дунэе псау ыкIыб зэрэдэлъыр: зыфэдэ къэмыхъугъэ технологиер, унэгъо шъэф­хэр ыкIи хэгъэгу цIыкIум шIулъэгъоу фыряIэр. ТекIоныгъэ къызэрэдэтхыгъэм къегъэлъагъо ащ фэдэ къэбархэр тирес­публикэ щыпсэурэмэ ямызакъоу, зэрэ­хэгъэгоуи зэрашIогъэшIэгъоныр. Адыгэ къуаем иIэшIугъэ Урысыер зэрепхы», — къыхигъэщыгъ Ацумыжъ Адам.КомандэмкIэ мыр ятIонэрэ проектэу интернетым хэхъоныгъэ егъэшIыгъэнымкIэ Институтым къыхигъэщыгъ ыкIи IэпыIэгъу къыратыгъ. 2025-рэ илъэсым Ацумыжъ Адамэрэ Юлия Бондаревамрэ документальнэ сериалэу «Культурэм иухъумакIохэр» тырахыгъагъ, ар Адыгеим ицIыфхэу шэн-хабзэхэм якъэухъу­мэн дэлажьэхэрэм афэгъэхьыгъагъ. Тишъолъыри IэкIыбми щызэлъашIагъ, бэмэ агу рихьыгъ, Тыркуем ыкIи Марокко къащагъэлъэгъуагъ.Фильмхэм VK Видеом шъущяплъы­шъущт: https://vkvideo.ru/playlist/344886957_I?uh=af6740d535bfc0Проектэу «Адыгеим идышъэ фыжь» зыфиIорэм республикэм игъомылэпхъэ кIэн нахьыбэмэ аригъэшIэным фытегъэ­псыхьагъ.Шъолъыр проектхэм язэнэкъокъоу интернетым хэхъоныгъэ егъэшIыгъэнымкIэ Институтым зэхищагъэм заявкэ 437-рэ агъэхьыгъагъ. ТекIоныгъэ къыдэзыхыгъэр проект 56-рэ, ахэм ащыщэу 21-р — лъэныкъоу «Блогосферэм ит контентыр» ыкIи 35-р — «ХэушъхьафыкIыгъэ интернет-проектхэр» зыфиIорэмкIэ.