Лъэс зекIонымкIэ Iофтхьабзэу «Тайные тропы здоровья» зыфиIорэм кIэщакIо фэхъугъ Мыекъуапэ физическэ культурэмкIэ ыкIи спортымкIэ и Комитет.
Ар физкультурникым и Мафэ фэгъэхьыгъэу рагъэкIокIы. ШышъхьэIум и 3-м къыщегъэжьагъэу и 9-м нэс кIощт марафоным зипсауныгъэ зыгъэпытэ зышIоигъо нэбгырэ 92-рэ хэлажьэ.
Адыгеим икъэлэ шъхьаIэ имызакъоу, республикэм имуниципалитетхэм ялIыкIохэми мыщ зыщаушэтын алъэкIыщт. Пшъэрылъ шъхьаIэр мэфи 7-м къыкIоцI лъэбэкъу мини 100 къэпкIуныр ары. Ар зыгъэцакIэхэрэм зэкIэми щытхъу тхылъхэр афагъэшъошэщтых.