ШышъхьэIум и 1-м къыщыублагъэу IофшIапIэм Iут пенсионерхэм япенсиехэм къахэхъуагъэу къаратыщт.
2025-рэ илъэсым пенсие коэффициентэу шъхьадж фызэIукIагъэм елъытыгъэу къыхэхъощтыр къалъытагъ. Анахьыбэу пенсиехэм къыхэхъощтыр коэффициентищым фэдизыщт, сомэ 500-м шIокIыщтэп.Мы мазэм ащ тетэу къахагъэхъощт нахь мышIэми, IофшIапIэм Iут пенсионерхэм япенсие-хэр индексацие ышIынхэу къэралыгъом зэрэригъэжьэжьыгъэр къызэтыригъэуцожьыщтэп. УФ-м и Социальнэ фонд къызэритыгъэмкIэ, къэкIощт 2027-рэ илъэсым имэзае джыри индексацие къашIыщтых. Бжыхьэм федеральнэ бюджетыр заштэкIэ, къахэхъощтыр зыфэдизыр теубытагъэ хэлъэу къаIощт.Социальнэ фондым шышъхьэIум и 1-м «накопительнэ пенсиеми», ащ къыхэхыгъэ ахъщэ тынэу мазэ къэс цIыфхэм къафакIорэми зэхъокIыныгъэхэр афишIыщт. Къулыкъум къызэритыгъэмкIэ, «накопительнэ пенсием» зэхъокIыныгъэу фэхъущтхэр нэбгырэ мини 133-м ехъумэ анэсыщт, ащ къыхэхыгъэ ахъщэ тын мазэ къэс къызыфакIохэрэр мин 34-м ехъух.