ТичIыпIэгъу лъапIэхэр!
Зи Хэкужъ къэзыгъэзэжьыгъэм и Мафэ фэшI тышъуфэгушIо!Ти Адыгэ РеспубликэкIэ мы мафэм мэхьанэшхо иI. 1998-рэ илъэсым заом зэлъиштэгъэ Косовэ апэрэ адыгэхэу къикIыжьхи, зитарихъ Хэкужъ къэзыгъэзэжьыгъэхэм ар япхыгъ.А тарихъ хъугъэ-шIагъэр лъэпкъ зыкIыныгъэм, культурэ-тарихъ кIэн баир къэухъумэгъэным, лIэшIэгъу пчъагъэхэм къакIоцI ахэлъ хъугъэ зэдеIэжьыныгъэм ятамыгъэу хъугъэ.Хэгъэгум ипащэхэм къызэрэддырагъэштагъэм, Адыгеим щыпсэурэ цIыф лъэпкъ зэфэшъхьафхэм къахэкIыгъэхэм ягулъытэрэ язэхашIэрэ яшIуагъэкIэ къэкощыжьыгъэхэм апае къуаджэу Мэфэхьаблэ агъэпсыгъ, ящыIэныгъакIэ ар ублапIэ афэхъугъ.Непэ ахэр урысые обществэм хэгъозагъэх, республикэми хэгъэгуми яхэхъоныгъэ яIахь хашIыхьэ, шIуагъэ хэлъэу лъэныкъо зэфэшъхьафхэм ащэлажьэх, ячIыгу гупсэ, абзэ, яшэн-хабзэхэм афыряIэ шIулъэгъур якIэлэцIыкIухэм ахалъхьэзэ, Урысыем икультурэу лъэпкъыбэмэ зэдыряем ихэхъоныгъэ яIахь хашIыхьэ, цIыф лъэпкъ зэфэшъхьафхэм язэгурыIоныгъэрэ языкIыныгъэрэ гъэпытэгъэнхэмкIэ яшIуагъэ къагъакIо.Къэкощыжьыныр шIуагъэ къытэу игъорыгъозэ зэрэлъыкIотэщтым, Урысыем демографиемкIэ ыкIи хэхъоныгъэ ышIынымкIэ ащ ишIуагъэ къызэрэкIощтым тицыхьэ телъ.Ятэжъ пIашъэхэм ячIыгу къэзыгъэзэжьырэ нэбгырэ пэпчъкIэ ренэу чэзыу нэфэу, чэзыу гушIуагъоу ар орэхъу!ТичIыпIэгъу лъапIэхэр, зэкIэми тышъуфэлъаIо псауныгъэ пытэ, щыIэкIэшIу шъуиIэнэу, ошъогу къаргъор шъуашъхьагъ итынэу, Адыгеимрэ ти Хэгъэгушхоу Урысые Федерациемрэ яфедэ зыхэлъ гъэпсын Iофым гъэхъагъэхэр щышъушIынхэу!Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл МуратАдыгэ Республикэм и Къэралыгъо Совет — Хасэм и ТхьаматэуВладимир Нарожнэр