Тилъэпкъэгъу лъапIэхэр!
Дунэе Адыгэ Хасэм игъэцэкIэкIо Комитет ыцIэкIэ ыкIи сэ сшъхьэкIэ зи Хэкужъ къэзыгъэзэжьыгъэм и Мафэ фэшI сышъуфэгушIо!1998-рэ илъэсым шышъхьэIум и 1-м тилъэпкъ итарихъ ичэзыукIэ ублапIэ фэхъугъ: апэрэ адыгэ купыр Косовэ къикIыжьыгъ. Урысыем къызыдыригъэштэгъэ, мэхьанэшхо зиIэгъэ а Iофтхьабзэм зихэгъэгогъухэр къэзыухъумэрэ къэралыгъом лъытэныгъэу фашIырэр нахь къызэриIэтыгъэм имызакъоу, зи ЧIыгужъ къыгъэзэжьыным кIэхъопсырэ нэбгырэ мин пчъагъэмэ агу къыIэтыгъ.Непэ тырэгушхо тилъэпкъэгъухэу Шам, Тыркуем, Иорданием, Израиль, Германием, США-м ыкIи нэмыкI хэгъэгухэм къарыкIыжьыгъэхэм ятэжъ пIашъэхэм ячIыгу япсэупIэ зэрэхъурэм. Тигуапэ республикэм ищыIэныгъэ изы Iахьэу шъузэрэхъугъэр. Шъукъызхэхьажьыгъэхэри кIэгъэкъон къышъуфэхъух щыIэныгъэм нахь шъухэгъозэнымкIэ, шъуипсэукIэ нахь зэтегъэпсыхьагъэ хъунымкIэ.Анахьэу гуапэ тщыхъурэр къэзыгъэзэжьыгъэхэм якIэлэцIыкIухэм зыкъызэраIэтырэр ары. Ахэр еджапIэхэм, апшъэрэ еджапIэхэм дэгъоу ащеджэх, лъэпкъ шэн-хабзэхэр дахэу зэрахьэх, Урысыем ицIыф шъыпкъэхэу мэхъух.Уи Хэкужъ къэбгъэзэжьыным къикIырэр узщыпсэурэ чIыпIэр зэблэпхъун къодыер арэп. Тятэжъ пIашъэхэр, лIэуж пчъагъэхэр зыкIэхъопсыщтыгъэхэр бгъэцэкIэным мэхьанэшхо иI. А Iофыр зэрэлъыкIотэщтым тицыхьэ телъ.ЗэкIэми сышъуфэлъаIо псауныгъэ пытэ шъуиIэнэу, шъуиунагъохэм насып арылъынэу, гъэхъэгъакIэхэр шъушIынхэу! Дунаим тет адыгэ пстэуми Урысыем дыряIэ зэпхыныгъэри, зэкъошныгъэри нахь пытэ орэхъух!МэфэкIымкIэ сышъуфэгушIо! Шъукъеблэгъэжь!Дунэе Адыгэ Хасэм и ПрезидентэуСэхъурэкъо Хьаути