Мы мафэхэм зыгъэпсэфыпIэ чIыпIэу «Мэздахэм» зипсауныгъэ зыгъэпытэ зышIоигъо нэбгыри 150-рэ фэдиз щызэрэугъоигъ. Спорт Iофтхьабзэу «Мыекъопэ ныбжьыкIэр. Мэзым щызэхащэрэ фитнесым и Мафэ» мыщ щыкIуагъ.
Мыекъопэ къэлэ администрацием къызэрэщаIуагъэмкIэ, зисэнэхьат хэшIыкIышхо фызиIэ тренерхэм егъэджэнхэр рагъэкIокIыгъэх, джащ фэдэу зэхэщакIохэм пхъэидзэн шIыкIэм тетэу шIухьафтынхэр агощыгъэх.
Къэлэ администрацием ныбжьыкIэ политикэмкIэ иотделрэ Мыекъуапэ испорт клубхэм ащыщрэ яIэпыIэгъукIэ Iофтхьабзэр рагъэкIокIыгъ.