ФутболымкIэ зэнэкъокъоу «Кубок Благонравия» зыфиIорэр мы мафэхэм Мыекъуапэ щыкIуагъ. Мыщ зэрищэлIагъэх Адыгэ Республикэм ыкIи Краснодар краим арыт мэщытхэм къяуалIэхэрэр. Спорт Iофтхьабзэм кIэщакIо фэхъугъ Адыгеим ыкIи Пшызэ шъолъыр ащыпсэурэ быслъымэнхэм я ДиндэлэжьапIэ.
ЗэхэщакIохэм къызэраIуагъэмкIэ, турнирым командэ 16 хэлэжьагъ. Ахэр зэнэкъокъугъэх, ныбджэгъуныгъэу азыфагу илъыр ыкIи япсауныгъэ агъэпытагъ.Зэфэхьысыжьхэм къызэрагъэлъэгъуагъэмкIэ, Адыгэкъалэ икомандэ текIоныгъэр къыдихыгъ, псэупIэу Инэм ятIонэрэ чIыпIэр ыубытыгъ, Мыекъуапэ къэзыгъэлъэгъогъэ «Ансарыр» ящэнэрэ хъугъэ. Турнирым ишIухьафтын шъхьаIэу «Кубок Благонравия» зыфиIорэр къуаджэу Шъхьащэфыжь илIыкIохэм афагъэшъошагъ.
Спорт мэфэкIыр къэзэрэугъоигъэ цIыфхэм, зэнэкъокъум хэлэжьагъэхэм лъэшэу агу рихьыгъ, футболым лIэуж зэфэшъхьафхэр зэрипхынхэ, зыкIыныгъэр ыгъэпытэн зэрилъэкIырэр джыри зэ къыгъэшъыпкъэжьыгъ.