Делэкъо А.
АР-м хэдзынхэмкIэ и Гупчэ комиссие тыгъуасэ я 86-рэ зэхэсыгъоу иIагъэм Iофыгъо 30-мэ ащыхэплъагъэх. Iофтхьабзэр зэрищагъ ащ и Тхьаматэу Сэмэгу Нурбый.
Анахьэу ар зыфэгъэхьыгъагъэр УФ-м и Къэралыгъо Думэ иябгъонэрэ ыкIи АР-м и Къэралыгъо Совет — Хасэм ияенэрэ зэIугъэкIэгъухэм ядепутат хъунхэмкIэ кандидатэу зыкъэзыгъэлъэгъуагъэхэм атегущыIэгъэныр ары.УФ-м и Къэралыгъо Думэ идепутат хъунымкIэ партиеу «Коммунисты России» зыфиIорэм хэт Сергей Гукасян, ЛДПР-м къыгъэлъэгъогъэ Шэуджэн Тембот, Урысые политическэ партиеу «Родинэм» хэт Нэпсэу Тимур, партиеу «Справедливая Россия» зыфиIорэм къыгъэлъэгъогъэ Осмэн Альберт ятхылъхэр ауплъэкIугъэх, ахэр шапхъэхэм адиштэу агъэнэфагъэх, комиссием хэтхэм адырагъэштагъ ыкIи депутат хъунхэмкIэ кандидат зэрэхъугъэхэр къэзыушыхьатырэ тхылъхэр аратыжьыгъэх.АР-м и Къэралыгъо Совет — Хасэм политическэ партие зэфэшъхьафхэм къагъэлъэгъогъэ нэбгырэ 19-мэ якандидатурэхэм адырагъэштагъ. Iофтхьабзэм нэмыкI зигъо Iофыгъохэми ащытегущыIагъэх, унэшъо гъэнэфагъэхэр ашIыгъэх.ДЕЛЭКЪО Анет.