АР-м хэгъэгу кIоцI IофхэмкIэ и Министерств
Бэдзэогъум и 27-м лъэсрыкIор зэрэраутыгъэм фэгъэхьыгъэ гъогу хъугъэ-шIагъэ Теуцожь районым щагъэунэфыгъ.
ПэшIорыгъэшъэу зэрагъэунэфыгъэмкIэ, водителым IэкIыб къэралым къыщашIыгъэ автомобилыр ыгъэIорышIэзэ илъэс 12 зыныбжь лъэсрыкIор зэпырыкIыпIэм щыблимыгъэкIэу риутыгъ. Нэужым къызэтемыуцоу псынкIэу зигъэбылъыжьыгъ.Зыныбжь имыкъугъэм шъобжхэр тещагъэхэу сымэджэщым ащагъ.Полицием икъулыкъушIэхэм лъыхъун Iофтхьабзэу зэрахьагъэхэм ишIуагъэкIэ лажьэ зиIэ илъэс 61-рэ зыныбжь хъулъфыгъэу мы районым щыпсэурэр къаубытыгъ.Мы уахътэм Урысыем хэгъэгу кIоцI IофхэмкIэ и Министерствэ имежмуниципальнэ отделэу «Адыгейский» зыфиIорэм гъогу хъугъэ-шIагъэм лъапсэ фэхъугъэр егъэунэфы.