ШахматхэмкIэ турнирэу «Гъэмафэ – 2026-рэ» зыфиIорэм 2013-рэ илъэсым къэхъугъэхэр ыкIи ахэм анахьыкIэхэр хэлэжьагъэх. Республикэм икъэлэ шъхьаIэрэ Мыекъопэ районымрэ ялIыкIохэм ямызакъоу, Москва ыкIи Санкт-Петербург къарыкIыгъэхэми заушэтыгъ. ЗэкIэмкIи нэбгырэ 19 хъущтыгъэх.
Адыгеим зыщигъэпсэфынэу иблагъэхэм адэжь къэкIогъэ Санкт-Петербург щыщ илъэси 9 зыныбжь кIалэм гъэхъэгъэшIу ышIыгъ, ащ зэIукIэгъуий иIагъ, зыкIи къытекIуагъэхэп. Пшъашъэхэм къахэщыгъэр Мыекъопэ районыр къэзыгъэлъэгъогъэ шахматисткэр ары.Санкт-Петербург щыщ Роман Роговым илъэси 9 ныIэп ыныбжьыр. Мыекъуапэ зыщызгъэпсэфынэу къэкIогъэ кIэлэеджакIом зэIукIэгъуи 8 иIагъ, 7-м текIоныгъэр къащыдихыгъ, очкоуи 7,5-рэ ригъэкъуи, апэрэ чIыпIэр къыдихыгъ. Мыщ очко ныкъо шIозыхьын зылъэкIыгъэ закъор ятIонэрэ чIыпIэр зыубытыгъэ Виталий Мирошниковыр ары. Ящэнэрэ хъугъэ Янис Музенитовыр, ар джэрз медаль къэзыхьын зылъэкIыщтыгъэ Адам Матюши- ным аужырэ партием щытекIуагъ.
ПшъашъэхэмкIэ къэгъэлъэгъон анахь дэгъу зиIэр Мыекъопэ районым щыщ Елизавета Пискуновар ары, ащ очкоуи 4 ригъэкъугъ, я 8-рэ чIыпIэр къыдихыгъ. Ащ къыкIэлъэкIох Алиса Баточкэр ыкIи Елизавета Осиповар.