Мылъкур нахь дэгъоу, шIуагъэ къытэу зыгъэфедэрэ районхэу Адыгеим итхэр къыхагъэщыгъэх.
Бюджетым фэгъэхьыгъэ хэбзэгъэуцугъэу щыIэм къыдыхэлъытагъэу 2026-рэ илъэсым иапэрэ мэзих муниципальнэ гъэпсыкIэ зиIэ районмэ мылъкур зэрагъэфедагъэр Адыгэ Республикэм финансхэмкIэ и Министерствэ ыуплъэкIугъ.Зэфэхьысыжьхэм къызэрагъэлъэгъуагъэмкIэ, апэрэ чIыпIэр Кощхьэблэ районым ыубытыгъ, апэрэ илъэсныкъом финансхэм ягъэIорышIэнкIэ анахь муниципалитет дэгъоу ар алъытагъ. ЯтIонэрэ чIыпIэр Шэуджэн ыкIи Красногвардейскэ районхэм зэдагощыгъ, ящэнэрэр — къалэу Мыекъуапэ, яплIэнэрэр — Адыгэкъал, ятфэнэрэ хъугъэ Тэхъутэмыкъое районыр, яхэнэрэ чIыпIэр Джэджэ ыкIи Мыекъопэ районхэм зэдаубытыгъ, яблэнэрэр — Теуцожь районыр.Адыгеим и ЛIышъхьэ къызэрэхигъэщыгъэмкIэ, мэзи 6-м республикэм изэхэт бюджет сомэ миллион 700 щыкIагъэу агъэцэкIагъ, шIокI зимыIэ социальнэ Iофыгъохэу зэшIуахын фэягъэхэм ар къахэкIыгъ. Арэу щытми, федэу бюджетым иIэр проценти 114,7-рэ мэхъу. Джырэ уахътэм федеральнэ бюджетым дотациеу къытIупщырэр процент 16,5-рэ. Коммерцием епхыгъэ чIыфэхэр зэкIэ атыжьыгъэх.