ФутболымкIэ Урысыем и Премьер-лигэ хэт командэхэм апэрэ турым къыдыхэлъытэгъэ ешIэгъухэу бэдзэогъум и 24-м къыщегъэжьагъэу и 26-м нэс яIагъэхэм язэфэхьысыжьхэр «Адыгэ макъэм» ышIыгъэх.
Анахь псынкIэу Iэгуаор дэзыдзагъэрЗэнэкъокъум иапэрэ тур къызэIуихыгъ ЦСКА-мрэ «Балтикэмрэ» язэIукIэгъу. ЕшIэгъум иапэрэ такъикъым хьакIэхэм яфутболистэу Чинонсо Оффор пчъагъэр къызэIуихыгъ, анахь псынкIэу Iэгуаор къэлапчъэм зэрэдидзагъэмкIэ ащ рекорд ыгъэуцугъ. ЫпэкIэ ар къыздэхъугъагъэр Александр Шулениныр ары (ятIонэрэ такъикъым). Калининград икомандэ пчъагъэр къызэIуихыгъ нахь мышIэми, бысымхэр къызэкIэкIуагъэхэп, 2:1-у текIоныгъэр къыдахыгъ.
Судья анахь ныбжьыкI«Динамо» (Москва) ыкIи «Крылья Советов» (Самара) язэIукIэгъу 0:0-у аухыгъ. Илъэс 24-рэ зыныбжь Матвей Заика РПЛ-м итарихъкIэ судья анахь ныбжьыкIэ хъугъэ.«Динамэм» игенеральнэ директорэу Павел Пивоваровыр арбитрэм Iоф зэришIагъэм ыгъэрэзагъ. Сандро Шварц зипэщэ Москва икомандэ яплIэнэрэ ешIэгъу хъугъэу «Крылья Советов» текIошъурэп.Соболевыр къахэщыгъСанкт-Петербург икомандэу «Зенит» Тольятти къэзыгъэлъэгъорэ «Акроным» 5:0-у текIуагъ. Александр Соболевым гъогогъуитIо, джащ фэдэу бомышIэу клубым къыхэхьэгъэ Филипе Аугусто къэлапчъэм Iэгуаор дадзагъ.«Спартак» дэгъоу ригъэжьагъРПЛ-м къыхэхьажьыгъэ «Факелыр» «Динамо» (Махачкала) дешIагъ. Воронеж щыкIогъэ ешIэгъум хьакIэхэр нахь щылъэшыгъэх, 2:1-у текIоныгъэр къыщыдахыгъ.Къэралыгъом икомандэ цIэрыIоу «Спартак» Премьер-лигэм апэрэу щешIэрэ «Родинэм» (Москва) IукIагъ ыкIи 3:0-у текIуагъ. «Спартак» итренер шъхьаIэу Хуан Карседо командэм пэщэныгъэ зыдызэрихьэрэм къыщегъэжьагъэу мыщ фэдэ гъэхъагъэ апэрэу ышIыгъ. ЗэIукIэгъум хэлэжьэгъэ Испанием къикIыгъэ Виктор Парада къызэриIуагъэмкIэ, «Спартак» къызэрэхэхьагъэм рыраз.
«Краснодар» итекIоныгъ«Локомотивымрэ» «Ахматрэ» язэIукIэгъу 1:1-у аухыгъ. Я 82-рэ такъикъым ешIапIэм къихьэгъэ Георгий Джикия ылъакъо Iэгуаор къытефи, икъэлапчъэ ар дидзэжьыгъ.«Краснодар» Казань щешIагъ. «Рубин» хэт Мирлинд Даку пчъагъэр къызэIуихыгъ, ау ащ ыуж къэлапчъэм Iэгуаор дэзыдзагъэхэр «Краснодар» ифутболистхэр ары.«Рубин» щешIэрэ Илья Рожковым карточкэ плъыжь судьям къыригъэлъэгъуи, ешIапIэм ригъэкIыгъ.«Оренбург» 2:1-у «Ростов» текIуагъ. Я 49-рэ такъикъым Максим Савельевым карточкэ плъыжь къырагъэлъэгъуи, ешIапIэм къырагъэкIыгъ, а уахътэм къыщегъэжьагъэу бысымхэр нэбгырипшIэу джэгугъэх.Я 2-рэ турыр бэдзэогъум и 31-м аублэщт, мы мафэм «Родинэмрэ» «Ростоврэ» зэIукIэщтых. ШышъхьэIум и 2-м «Краснодар» «Факел» (Воронеж) дешIэщт.