Делэкъо А.
АР-м хэдзынхэмкIэ и Гупчэ комиссие тыгъуасэ я 85-рэ зэхэсыгъо иIагъ. Iофтхьабзэр зэрищагъ ащ итхьаматэу Сэмэгу Нурбый.
УФ-м и Къэралыгъо Думэ иябгъонэрэ ыкIи АР-м и Къэралыгъо Совет — Хасэм ияенэрэ зэIугъэкIэгъухэм ядепутатхэм яхэдзынхэу мы илъэсым иIоныгъо мазэ и 20-м щыIэщтхэм атегущыIагъэх, депутат хъунхэмкIэ кандидатэу зыкъэзыгъэлъэгъуагъэхэм ащыщхэм ар къэзыушыхьатырэ тхьапэхэр аратыжьыгъэх.АР-м хэдзынхэмкIэ и Гупчэ комиссие исекретарэу ХьэцIэцIэ Фатимэ къызэриIуагъэмкIэ, УФ-м и Къэралыгъо Думэ идепутат хъунымкIэ Марина Ситниковам ыкIи Владислав Резник ятхылъхэр ауплъэкIугъэх, шапхъэхэм адиштэу агъэнэфагъэх, комиссием хэтхэми адырагъэштагъ. Iофтхьабзэм къекIолIэгъэ Марина Ситниковам кандидат зэрэхъугъэ тхылъыр къэзыушыхьатырэр ратыжьыгъ.АР-м и Къэралыгъо Совет — Хасэм политическэ партие зэфэшъхьафхэм къагъэлъэгъогъэ нэбгырэ 13-мэ якандидатурэ пхырыкIыгъ. Ахэр: Трахъо Вячеслав, Александр Трофимовыр, Хъуажъ Къэплъан, Уджыхъу Рэщыд, Дмитрий Хохловыр, Николай Юрьевыр, Къэзэнч Алия, Мыгу Асиет, Татьяна Безусько, Елена Москаленкэр, Игорь Мирончук, Дмитрий Кочетовыр, Сергей Романенкэр.ДЕЛЭКЪО Анет.