Урысыем щынэгъончъэнымкIэ и Федеральнэ къулыкъу иIофышIэхэмрэ Урысыем хэгъэгу кIоцI IофхэмкIэ и Министерствэ имуниципальнэ къутамэу «Адыгейский» зыфиIорэмрэ зэгъусэхэу къыхагъэщыгъ муниципальнэ псэупIэхэм ячIыгу хэхьэрэ чIыпIэм зэретыгъохэрэр.
2024-рэ илъэсым Теуцожь районым имуниципальнэ псэупIэхэм ащыщ горэм иадминистрацие къыфэгъэзэгъэ чIыгу Iахьым амышIэрэ цIыфхэм пхъэ кубометрэ 30-м ехъу щатыгъугъ. Зэхэубытагъэу къызэрэрадзагъэмкIэ, бзэджашIэхэм чIыпIэ зыгъэIорышIэжьыным икъулыкъу сомэ мин 380-рэ фэдиз зэрарэу рагъэхьыгъ.Къулыкъу гъэнэфагъэхэм лъыхъон Iофтхьабзэу зэрахьагъэхэм яшIуагъэкIэ тыгъуакIор къыхагъэщыгъ: а чIыпIэм щыпсэурэ илъэс 58-рэ зыныбжь хъулъфыгъэр арэу къычIэкIыгъ. Ар зэреуцолIэжьыгъэмкIэ, гъусэхэр иIэу пхъэр псэуалъэкIэ зыгъэфедэрэ предприятиехэм аIэкIагъахьэщтыгъ. Ахъщэу къыхэкIырэр ежь ифэныкъоныгъэхэм апэIуигъахьэщтыгъ.Урысыем и Уголовнэ кодекс ия 158-рэ статья ия 3-рэ Iахь къызэриIорэм тетэу тыгъуакIом уголовнэ Iоф къыфаIэтыгъ. НэмыкIхэу ащ игъусагъэхэми ягъэунэфын мы лъэхъаным макIо.