Хьыкумым зэригъэунэфыгъэмкIэ, 2023-рэ илъэсым, мэкъуогъум Мыекъуапэ щыщ бзылъфыгъэм унэе предпринимателэу Iоф ышIэным пае цIыфхэр социальнэу къэухъумэгъэнхэмкIэ Гупчэу Мыекъуапэ дэтым зыфигъэзагъ къэралыгъо социальнэ IэпыIэгъу къыратынэу. Мыщ дэжьым хахъоу ежьым ыкIи иунагъо исхэм яIэр мышъыпкъэу аIэкIигъэхьагъ.
Бзылъфыгъэм тхьапэу гупчэм рихьылIагъэм къыпкъырыкIыхэзэ учреждением зэтыгъо IэпыIэгъоу сомэ мин 350-рэ къыритыгъ. Нэужым ежь зэрэфаеу ар къызфигъэфедагъ.Мы хъугъэ-шIагъэм фэгъэхьыгъэу къызэIуахыгъэ уголовнэ Iофыр АР-м и Следственнэ комитет иследственнэ ГъэIорышIапIэу Мыекъуапэ щыIэм иотдел зэхифыгъ.Прокуратурэр зэрэкIэдэугъэм тетэу хьыкумым лажьэ зиIэр ыгъэмысагъ ыкIи тазырэу сомэ мин 300 къыригъэпщыныжьыгъ.