Гъомылапхъэхэр щынэгъончъэнхэм, ащкIэ шапхъэхэр зэрагъэцакIэхэрэм алъэныкъокIэ Мыекъуапэ ипрокуратурэ уплъэкIунхэр зэхищагъэх.
УплъэкIун Iофтхьабзэхэм ялъэхъан унэе предпринимателэу тхьацум хэшIыкIыгъэ шхыныгъохэр къыдэзыгъэкIыщтыгъэм шапхъэхэр ыукъуагъэу къыхагъэщыгъ. Ащ шхыныгъоу ыупщэрыхьэщтыгъэхэм гъэтIылъыпIэ тэрэз яIагъэп, хьацIэ-пIацIэхэм ащыухъумэгъагъэхэп, гъомылапхъэр зыщаIыгъыгъэ унэм Iоф щызышIэхэрэм ящыгъынхэри чIэлъыгъэх.Прокуратурэм зэфэхьысыжьхэр зешIым, предпринимателым иIофшIэн къызэтыригъэуцуагъ ыкIи къыдигъэкIыгъэ продукциер Iахыгъ.Ащ нэмыкIэу, шапхъэхэр зэриукъуагъэм къыхэкIэу ащ административнэ пшъэдэкIыжь тыралъхьагъ.