Мыекъуапэ ипрокуратурэ къалэм щыщ хъулъфыгъэм уголовнэ Iоф къыфызэIуихыгъ. Хьапс зытелъыгъэ хъулъфыгъэр ешъуагъэу транспортыр зэригъэIорышIэщтыгъэм фэшI агъэмысэ.
Следствием зэригъэунэфыгъэмкIэ, 2022-рэ илъэсым, Iоныгъом лажьэ зиIэр къызагъэуцум, ешъуагъэмэ къыхагъэщынэу медицинэ уплъэкIуныр зэрафимышIыгъэм къыхэкIэу административнэ тазырэу сомэ мин 30 тыралъхьагъ ыкIи илъэсрэ мэзи 6-рэ пIалъэкIэ автомобилыр ыгъэIорышIэн фимытэу унашъо ашIыгъ.Джащ фэдэу мы IофымкIэ 2026-рэ илъэсым, тыгъэгъазэм лажьэ зиIэр агъэмысагъ ыкIи шIокI имыIэу сыхьат 250-рэ Iоф ышIэнэу пшъэдэкIыжь тыралъхьагъ, автомобилыр илъэси 2-рэ мэзи 3-кIэ ыгъэIорышIэн фимытэу унашъо ашIыгъ.Хьыкумым иунашъо ыукъуи, 2026-рэ илъэсым, жъоныгъуакIэм хъулъфыгъэр ешъуагъэу рулым Iусэу къагъэуцугъ. Гъогу-патруль инспекторхэм ар зауплъэкIум, ешъуагъэу къычIагъэщыгъ.Уголовнэ Iофыр Урысыем хэгъэгу кIоцI IофхэмкIэ и Министерствэ иотделэу Мыекъуапэ щыIэм зэхифыгъ ыкIи хьыкумыр хэплъэнэу фигъэхьыгъ.