Лъэс кIонымкIэ спорт фестивалэу «Ромашковый марафон» зыфиIорэр ыкIэм фэкIуагъ, зэфэхьысыжьхэр фашIыгъэх.
Шъугу къэдгъэкIыжьын, зэнэкъокъум ишапхъэхэмкIэ, мэфиблым къыкIоцI лъэбэкъу мини 140-рэ хэлажьэхэрэм къакIун фэягъ. Нэбгырэ 42-мэ пшъэрылъыр агъэцэкIагъ. Сергей Леденевым лъэбэкъу мини 194-м ехъу зэринэкIынри къыдэхъугъ.Зэфэхьысыжьхэр зыщашIыгъэ зэIукIэм къекIолIагъэр нэбгырэ 20. Физическэ культурэмкIэ ыкIи спортымкIэ Мыекъуапэ и Комитет текIоныгъэр зыхьыгъэхэм афэгушIуагъ. Къалэжьыгъэ щытхъу тхылъхэмрэ шIухьафтынхэмрэ аратыжьыгъэх Комитетым ипащэ игуадзэу Игорь Бандуркинымрэ методистэу Бзаго Рустамрэ.«Шъо шъущысэтехыпI. Лъэбэкъу пэпчъ псауныгъэр къэухъумэгъэным фэIорышIэ, спортыр щыIэныгъэм зэрэхэтын фаер нэмыкIхэм яшъогъэлъэгъу, — къэзэрэугъоигъэхэм зафигъэзагъ Игорь Бандуркиным. — Тышъуфэраз ыкIи «тхьашъуегъэпсэу» шъотэIо зэнэкъокъум шъузэрэхэлэжьагъэм пае!»«Ромашковый марафоным» джыри зэ къыгъэлъэгъуагъ спортым хэщэгъэ цIыфхэм япчъагъэ зэрэхахъорэр. ЗэхэщакIохэр ащ къыщыуцущтхэп. ШышъхьэIум и 3-м джыри зичэзыу Iофтхьабзэ агъэнафэ. Физкультурэр зикIасэхэм я Мафэу къэблагъэрэм ар фагъэхьыщт.