IофшIэнымкIэ ыкIи социальнэ хэхъоныгъэмкIэ Министерствэр
ХэушъхьафыкIыгъэ дзэ операцием иветеранэу ыкIи программэу «ЛIыхъужъхэм яуахът» зыфиIорэм хэлэжьэрэ Сергей Ковалевыр Адыгэ республикэ кIэлэцIыкIу Унэм щыIагъ. Ащ игъусагъэх «Апэрэхэм я движение» илIыкIохэр.
Iофтхьабзэм къыдыхэлъытагъэу учреждением иIофшIэн зэрэзэхэщагъэм, ащ хэхьэрэ унэхэр зэрэзэтеутыгъэхэ ыкIи сабыеу щаIыгъхэм щыIэкIэ-псэукIэ амалэу щыряIэхэм защигъэгъозагъ. КIэлэпIухэм, психологхэм, медикхэм мафэ къэс IофшIэнэу зэрахьэрэми кIэупчIагъ.КIэлэцIыкIу Унэм иIофышIэ купхэм пшъэрылъ шъхьаIэу яIэхэр хьакIэм къыфаIотагъ. Ны-тыхэм анаIэ зытемыт сабыйхэм зэрапылъхэр, ахэм лъэныкъо зэфэшъхьафхэмкIэ хэхъоныгъэ зэрарагъэшIырэр, медикхэр зэрахэтхэр ыкIи унагъом щыряIэн ылъэкIыщт псэукIэ амалхэм апэблагъэхэр мыщ зэращафызэхащагъэхэр къырагъэлъэгъугъ.Ветеранэу Сергей Ковалевыр фэбагъэ хэлъэу кIэлэцIыкIухэми гущыIэгъу афэхъугъ. Ежь икъэбархэм анэмыкIэу, ныбжьыкIэ цIыкIухэм ягъэхъагъэхэри къыфаIотагъ. «Апэрэхэм я Движение» хэт ныбжьыкIэ чанхэу къеблэгъагъэхэми шIухьафтынхэр сабыйхэм къафахьыгъэх.Программэу «ЛIыхъужъхэм яуахът» зыфиIорэм хэлажьэрэм кIэлэцIыкIу Унэм чIэсхэм псэукIэ амалышIухэр яIэнхэм фэшI зыщычъыехэрэм сплит-системищ афычIигъэуцонэу унашъо ышIыгъ. Джащ фэдэу ятхылъеджапIэ «Адыгеим и ЛIыхъужъхэр» зыфиIорэ тхылъыр шIухьафтынэу ритыгъ. ТичIыгогъухэм лIыхъужъныгъэу, лIыгъэу ыкIи псэемыблэжьыныгъэу зэрахьагъэм итарихъ джы ныбжьыкIэ цIыкIухэм зэрагъэшIэн алъэкIыщт.Шъугу къэдгъэкIыжьын, УФ-м и Президентэу Владимир Путиным къахилъхьэгъэ федеральнэ программэу «ЛIыхъужъхэм яуахът» зыфиIорэр гъэрекIо щегъэжьагъэу агъэцакIэ. Ащ мэхьанэу иIэм зыкъызэриIэтырэм епхыгъэу къэралыгъом ипащэ пшъэрылъ къыгъэуцугъ шъолъырхэри ащ фэдэ проектым игъэцэкIэн фежьэнхэу. Ащ къыдыхэлъытагъэу, АР-м и ЛIышъхьэу КъумпIыл Мурат иунашъокIэ шъолъыр программэу «Адыгеим и ЛIыхъужъхэр» зыфиIорэр пхыращы. Мы программэр зытегъэпсыхьагъэр хэушъхьафыкIыгъэ дзэ операцием хэлэжьагъэхэр нэужкIэ къэралыгъо ыкIи муниципальнэ хэбзэ къулыкъухэм, къэралыгъо компаниехэм IэпэIэсэныгъэ, къулайныгъэ ахэлъэу Iоф ащашIэным фэгъэхьазырыгъэнхэр ары. Еджэныр къызаухыкIэ, дипломхэр къаратыщтых ыкIи шъолъырым икадровэ IэпэчIэгъанэ хагъэуцощтых.— Программэм ипхырыщын – тидзэкIолIхэм IэпыIэгъу афэхъугъэным изы лъэбэкъу. Къэралыгъом зэрэфэшъыпкъэхэр ыкIи пшъэдэкIыжьэу яIэр зэрагъэцэкIагъэр язекIуакIэкIэ къагъэшъыпкъэжьыгъ. Мурадэу ыкIи пшъэрылъэу яIэхэр зэшIуахынхэ зэралъэкIыщтым Адыгеим шIуагъэ къызэрэфахьыщтым тицыхьэ телъ, — хигъэунэфыкIыгъ АР-м и ЛIышъхьэу КъумпIыл Мурат.IЭШЪЫНЭ Сусан.