Футбол цIыкIумкIэ республикэм и Кубок икъыдэхынкIэ зэнэкъокъур лъагъэкIуатэ. Финалым и 1/4 ихьэгъэ командэхэр къэнэфагъэх.
Стадионэу «Юностым» пчыхьищым щыжъотыгъ. Пчыхьэм сыхьатыр 7-м рагъажьэхэти зэIукIэгъухэр 10-м нэс кIощтыгъэх. Апэрэ ешIэгъуищым текIоныгъэхэр къащызыхьыгъагъэхэр шъугу къэдгъэкIыжьын: «Кавказ-Адэмый», «Арго», «Ансара».ЯтIонэрэ зэнэкъокъу мафэм Кощхьэблэ районым икомандитIу текIоныгъэр къыдахыгъ:«Зыхьэхэмрэ» «Запереездовскэхэмрэ». «Тэхъутэмыкъуаемрэ» «Спартэмрэ» ахэм ашIуахьыгъ. Нэужым зэдэджэгугъэх «Спортмастер-2-мрэ» «Альянсымрэ». 5:1-у апэрэхэр текIуагъэх. «Легионым» 4:1-у «Еджэркъуаем» зэIукIэгъур шIуихьыгъ. «Алирэр» 1:0-у «Канонирым» дешIагъ.Зэнэкъокъум и 1/4 зыкъыщызгъэлъэгъощт командэхэр:«Кавказ-Адэмый» — «Арго»«Ансара» — «Зыхьэхэр»«Алиро» — «Запереездовскэхэр»«Спортмастер-2» — «Легион».ЗэIукIэгъухэр пчыхьашъхьэ ыкIи неущ щыIэщтых. Зэнэкъокъур лъызыгъэкIотэщт командэхэр ахэм къащынэфэщт.