«Майкопские новости»
Адыгеим икъэлэ шъхьаIэ проектэу «Мыекъопэ ныбжьыкI. Зэрэщагоу орэд къызэдэтэIо» зыфиIорэр щыкIуагъ. Къэлэдэсхэм ыкIи хьакIэхэм ащыщхэу нэбгырэ 500-м ехъу Iофтхьабзэм хэлэжьагъ. Къалэм ищагу горэм ахэр къыщызэрэугъоигъэх янэIосэ орэдхэр къызэдаIонхэм фэшI.
Мыекъуапэ иадминистрацие къызэрэщаIуагъэмкIэ, лъэхъэнэ зэфэшъхьафхэм аусыгъэхэр ахэм ахэтыгъэх: советскэ лъэхъаным къыщыублагъэу непэрэ мафэхэм анэсыжьэу, урыс орэдхэри, адыгэ мэкъамэхэри ащ щыIугъэх.— ЗэкIэми тызэгъусэу, гуфэбэныгъэ ин хэлъэу орэдхэр къызэдэтIуагъэх. Пчыхьэзэхахьэм къекIолIэгъэ пстэуми тызэрафэразэр къыхэтэгъэщы, — къаIуагъ Мыекъуапэ имэрие иIофышIэхэм.Мы Iофтхьабзэм кIэщакIо фэхъугъэр къалэу Мыекъуапэ иадминистрацие ныбжьыкIэ политикэмкIэ иотдел ары. Ащ иIэпыIэгъугъ псэолъэшI компаниеу «Трестыр». Урысыем щыпсэурэ цIыф лъэпкъхэм языкIыныгъэ и Илъэс къыдыхэлъытагъэу Iофтхьабзэр рекIокIыгъ.