СледствиемкIэ къулыкъухэм яIофышIэхэу ыкIи яветеранхэу лъытэныгъэ зыфэтшIыхэрэр!Шъуисэнэхьат епхыгъэ мэфэкIым фэшI тышъуфэгушIо!
ХэбзэухъумэкIо къулыкъухэм яIофшIэнкIэ анахь пшъэдэкIыжь зыхэлъ ыкIи анахь къинэу щытхэм зыкIэ ащыщ шъо шъуикъулыкъу. IэпэIэсэныгъэшхо, юридическэ шIэныгъэ куу, лIыхъужъныгъэ ыкIи пшъэдэкIыжь ин ащ ищыкIагъэх. Уголовнэ Iофхэр псынкIэу ыкIи дэгъоу зэхэфыгъэнхэм, бзэджэшIагъэр гъэунэфыгъэным, къолъхьэ тын-Iыхыным пхъашэу пэуцужьыгъэным япхыгъэ Iофтхьабзэхэр зэрищыкIагъэм лъыкIахьэу агъэцакIэхэ зыхъукIэ, хэбзэухъумэкIо къулыкъум иIофшIэни зэрэпсаоу кIэухышIухэр фэхъущтых.Адыгэ Республикэм ыкIи тихэгъэгу тапэкIи хэхъоныгъэ ашIынымкIэ мэхьанэшхо зиIэ шъуипшъэрылъхэр дэгъоу зэрэжъугъэцакIэхэрэм, теубытагъэ зэрэшъухэлъым, пшъэдэкIыжьэу шъухьырэр икъоу зэрэзэхэшъушIыкIырэм апае тызэрэшъуфэразэр къыхэдгъэщынэу тыфай.Непэ тиветеранхэм хэушъхьафыкIыгъэу зафэдгъазэ тшIоигъу. Следствием ихэбзэ шIагъохэр къэухъумэгъэнхэмкIэ, IофшIэкIэшIоу шъуIэкIэлъ хъугъэр ныбжьыкIэхэм алъыгъэIэсыжьыгъэнымкIэ, къэралыгъомрэ цIыфхэмрэ апашъхьэ пшъэдэкIыжьэу щышъухьырэр икъоу зэрэзэхэшъушIыкIырэм апае лъэшэу тышъуфэраз.ЗэкIэми тышъуфэлъаIо псауныгъэ пытэ, щыIэкIэшIу шъуиIэнэу, ти Хэгъэгушхо ифедэ зыхэлъ Iофым гъэхъэгъакIэхэр щышъушIынхэу!
Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и СекретарэуКъумпIыл Мурат.
Адыгэ Республикэм и Къэралыгъо Совет — Хасэм и Тхьаматэу Владимир Нарожнэр