ФутболымкIэ Урысыем и Первенствэ иятIонэрэ лигэ щыджэгурэ «Зэкъошныгъэм» тхьамэфищ зэпыугъо ужым зэнэкъокъухэм апидзэжьыщт. Ахэм языфэгъэхьазырын къыдыхэлъытагъэу ныбджэгъу ешIэгъу Мыекъуапэ щыриIагъ. Мыекъопэ районым икомандэу «Урожай-2»-м IукIагъ.
ЗэIукIэгъум кIэухэу фэхъущтым зыпари елъытыгъагъэп, ау ащ пае командэхэм яешIакIэ къыщагъэкIагъэп. Тульскэм испортсменхэм нахь дэгъоу ар рагъэжьэгъагъ. IэгоуитIу «Зэкъошныгъэм» икъэлапчъэ дагъэфагъ. Мыщ ыуж республикэм икомандэ шъхьаIэ иджэгукIэ ыгъэлъэшыгъ. Футболистхэм нахь зэгурыIоныгъэ ахэлъэу ешIэнхэу аублагъ. Ащ изэфэхьысыжьэу хъугъэ зым ыуж зыр итэу Iэгоуищэу «Урожай-2»-м икъэлапчъэ дадзагъэр. ТекIоныгъэр «Зэкъошныгъэм» къыфэзыхьыгъэ ящэнэрэ Iэгуаор Делэкъо Аскэр дигъэфагъ.Тикомандэ Урысые зэнэкъокъур непэ регъэжьэжьы. Пчыхьашъхьэ сыхьатыр 6-м «Зэкъошныгъэр» «Севастополь» дэджэгущт. ЗэIукIэгъур Мыекъуапэ щыкIощт. ЕшIэгъур тикомандэкIэ псынкIэщтэп. ХьакIэхэм сэнаущыгъэ дэгъу аIэкIэлъ, джырэ уахътэм апэрэ чIыпIэм щытых.