Джэджэ ыкIи Кощхьэблэ районхэм я Къэралыгъо автоинспекцие икъулыкъушIэхэм Iофтхьабзэу «Ешъогъэ водителыр» зыфиIорэр рагъэкIокIыгъ.
Iофтхьабзэр мэкIофэ инспекторхэм къагъэуцугъэ водительхэм ядокументхэр, язытет ауплъэкIугъ, джащ фэдэу уешъуагъэу е наркотикхэр зэпхьылIагъэхэу рулым уIутIысхьэ зэрэмыхъущтымкIэ зэхэфын зэдэгущыIэгъухэр адашIыгъэх.Рейдыр окIофэ автомобиль 50-м ехъу ауплъэкIугъ. Автомобилыр зезыфэхэрэм шъон пытэхэр зэрахьылIагъэхэу агъэунэфыгъэп. Ешъуагъэу транспорт амалхэр зепфэнхэм пшъэдэкIыжьэу пылъыр ыкIи гъогурыкIоным ишапхъэхэр амыукъонхэм мэхьанэу иIэм инспекторхэм водительхэм анаIэ тырарагъэдзагъ.Къэралыгъо автоинспекцием шъугу къегъэкIыжьы: уешъуагъэу автомобилыр зепфэныр административнэ хэбзэукъоныгъэкIэ макIо (УФ-м КоАП ст. 12.8), тазырэу сомэ мин 45-рэ ыкIи зефэнымкIэ фитыныгъэр илъэсрэ ныкъорэ пIалъэкIэ пIахы. ЯтIонэрэу ащ фэдэ зекIуаджэ къызыпхафэкIэ, уголовнэ пшъэдэкIыжь уагъэхьыщт, тазырыр сомэ мин 300, шIокI зимыIэ IофшIэнхэр е хьапс къыптыралъхьащт. Медицинэ уплъэкIуныр щызыгъэзыерэми джащ фэдэ пхъэшагъэ зыхэлъ пшъэдэкIыжь рагъэхьырэр.ПэшIорыгъэшъ Iофтхьабзэу гъогу инспекцием зэхищэхэрэр анахьэу зыфэIорышIэхэрэр гъогу щынэгъончъагъэр гъэпытэгъэныр ыкIи гъогу-транспорт хъугъэ-шIагъэхэм япчъагъэ нахь макIэ шIыгъэныр ары.